رد مصطفى شوبير حارس مرمى الفريق الأول لكرة القدم في النادي الأهلي على حقيقة خناقته مع مشجع نادي الزمالك في المغرب بعد نهائي دوري أبطال إفريقيا أمام الوداد المغربي.
وتداول رواد موقع التواصل الاجتماعي خلال الساعات الماضية فيديو لمشجع الزمالك القادم من ألمانيا إلى المغرب من أجل مساندة الوداد في نهائي إفريقيا خلال خناقته مع لاعبي الأهلي.
وقال “شوبير” :”الشخص ده كان موجود في استقبالنا في المغرب، الناس شافت الجزء التاني وكان فيه جزء أول جوة الصالة محدش شافه، كان فيه رقص وحاجات غريبة”.
وأشار :” كنا بنقول ليه بيعمل كده في نفسة أو لنادي الزمالك، لأن الزمالك نادي كبير واللى عمله ده يسيء لنادي الزمالك”.
وأضاف “شوبير” خلال استضافته في برنامج “برنامج جمهور التالتة” علي قناة “أون تايم سبورت 2″ :”احنا في الأهلي مش بنعرف نحتفل بالبطولات قوى ومحتاجين ندى البطولات حقها في الاحتفال”.
وتابع :”احنا احتفلنا في كل كورنر وفي كل حتة بعد مباراة الوداد، و صادف إن الشخص ده موجود في احتفاليه من ضمن الاحتفالات دي في المطار، وحظه الوحش إننا كنا موجودين في نفس التوقيت في المطار وكنا بنحتفل ومحصلش حاجة معاه”.
وأوضح”شوبير” :”هو بيقول أني شتمته، وانا مشتموش أو جيت جنبه إحنا كنا بنرقص ونغني بس،وكلامه مش منطقي ومش لايق على بعضه”.
وأختتم:” حاجة غريبة أنه بيسأل على أسمى وهو مكتوب على قميصي، بجانب أنه بيقول هشتكي ابن اللاعب السابق، وفي نفس الوقت بيسأل أنا مين؟”.
