فتح كريم أبوحسين مقدم برنامج زملكاوي عبر قناة الزمالك النار على سليمان وهدان عضو مجلس إدارة الفارس الأبيض بعد تصريحاته عن الأهلي.
وكان سليمان وهدان قد قال في تصريحات تليفريونيه بوقت سابق عبر قناة”mbc مصر”: الأهلي أرسل لي دعوة لحضور إفتتاح الفرع الجديد وأرسلت لهم بوكيه ورد”.
وقال كريم أبو حسين في تصريحات متلفزة عبر قناة “الزمالك”:” عتاب محب للنائب سليمان وهدان بسبب تصريحاته عن بوكيه الورد للآهلي ودعوته لحضور إفتتاح الفرع الجديد”.
وأضاف: “انا مش ضد ده حضرتك، بس في الأمور الطبيعيه، والمستشار مرتضى بدأ بحملات نبذ التعصب وهي مش حرب والمعامله المثل بالمثل، هتبارك لي هباركلك، لكن مش هتباركلي انا مش هباركلك، دي دعوات كيد النسا”.
وتابع أبوحسين:” لو الأمور طبيعيه وفي صفاء وناس بتكلم رياضه كانت الدعوه راحت لمجلس إدارة الزمالك وفوض حد، وليه وجهوا لحضرتك الدعوه دلوقتي؟، هل لو العلاقه كويسه كان موضوع هروب كهربا هيحصل؟”.
وشدد: “كلكم نجحتوا في إنتخابات الزمالك حبا للمستشار، هم عارفين ان في خلافات بينك وبين المستشار فيعملك دعوه كيد نسا، انت خرجت عن الصف الزملكاوي، لو الأمور طبيعيه ومفيش كيد نسا في الدعوات زي الصفقات”.
وأختتم:” حتى لو مش هنعرف نحل المشكلة والأزمة الماليه، دورك تروح للنادي وتقف مع العمال، وكنت منتظر حضرتك ترد على تصريحات خالد مرتجي لما بيسئ للزمالك ومشوفتش حضرتك عملت مداخله تتكلم ده زي ما إتكلمت على بوكيه الورد”.
