“شوفوا محمد صلاح المتربي”.. رساله ناريه من عمرو أديب للاعبين بسبب الهتافات المسيئة وقت الإنتصارات !! – فيديو

وجه الإعلامي عمرو أديب، رسالة ناريه للاعبين المصريين بسبب طريقة إحتفالهم بالهتافات المسيئة عقب الفوز بالبطولات، وطالبهم بضرورة الإقتداء بمحمد صلاح نجم ليفربول ومنتخب مصر.

وقال عمرو أديب في تصريحات ببرنامج “الحكاية”عبر قناة” mbc مصر”:” لاعب الكرة نموذج لشباب كثيرة، هناك شباب يحبون ميسي ورونالدو، وهناك من يحب الشناوي وحسين الشحات”.

وتابع: “نداء لكل لعيبة الكرة في مصر ولا اخص نادي بعينه، خلوا بالكم من تصرفاتكم جوه وبره الملعب، أنت مؤثر أكتر من أي حد، نجوم الكرة لهم تأثير غير طبيعي”.

وشدد أديب:” شوف الناس اللي بتابع محمد صلاح، صلاح نموذج محترم فاخر، التغذية بتاعته، علاقته بمراته وولاده، الأدب والأخلاق والروح الرياضية، متربي، فأرجو إن لاعيبة الكرة تاخد بالها”..

وأضاف: “شوف محمد صلاح بالسكس باكس، وهو بيقضي إجازته في مصر، وبيوري الشواطئ المصرية، في شباب نفسهم جسمهم يبقى زيه، أنا نفسي جسمي يبقى زيه، ويبقى عندي 10 أو 12 باكس، لأنهم مش6 ولا حاجة، دول أكتر من كده بكتير”.

وأختتم:” اعلم الإنفعال وقت الفور ونعم في تحفيل، ولكن لما يبقى هتاف في شتيمة، طيب إنت متوقع من الطفل الصغير، ومين اللي بيهتف، 7 أو 8 لعيبة، أنا مفتكرش إن الخطيب أو حسن شحاته أو فاروق جعف، يحسب عليه الكلمة الوحشة، على فكرة ده جزء من تمنك ووجودك، إنك شيك وفاخر وباشا محترم، المشهور ده مسؤولية”.