فرمان جديد من مرتضى منصور بشأن قطاع الناشئين في الزمالك.. ويعلن تعيين جمال حمزة في هذا المنصب – فيديو
أعلن مرتضى منصور عن بدء تنفيذ خطة تطوير قطاع الناشئين في نادي الزمالك، مشيرًا إلي أن المدير الفني الأجنبي الجديد للقطاع سيعمل على إعادة تشكيل الأجهزة الفنية من جديد.
وأعلن مرتضى منصور عن تعاقد نادي الزمالك مع السويسري فريتز شميد، لتولي منصب المدير الفني لقطاع الناشئين للقلعة البيضاء من أجل تطوير المواهب وإحداث طفرة في قطاع الناشئين.
وقال “مرتضى” :”احنا بنطور النادي في كل القطاعات، وعلشان يكون عندك فريق أول متميز لازم يكون عندك قطاع ناشئين مميز، لأنه الأساس اللى بيطلع اللاعبين المميزين”.
وأشار :” أمير مرتضى وميدو اقترحوا عليا إن يكون فيه مدير فني لقطاع الناشئين، مش رئيس القطاع لأن رئيس القطاع هو إسماعيل يوسف ومستمر في منصبه كما هو”.
وأضاف “مرتضى” في تصريحات عبر قناة “الزمالك” :”ياللى مش عاجبك إن ميدو بيتكلم، لما اتكلم انا يقولك واجع دماغنا، ولما خلى حد يتكلم يهاجموه”.
وتابع :” المدير الفني الجديد هيحط معايير المديرين الفنيين على أساس الشهادات والتطوير الخاص بكل واحد، وأمير وميدو اقترحوا كابتن جمال حمزة يكون مساعد المدير الفني الجديد لقطاع الناشئين”.
وأوضح “مرتضى” :” ميدو لما قالى على جمال، كان متخوف لأن جمال كان عنده أزمة معايا أناشخصًا، لكن أنا معنديش مشكلة ودايما بقول مش هيشتغل في النادي اللى بيهاجم النادي نفسه مش مرتضى منصور، وقولته معنديش أزمة في كابتن جمال وقولته فورًا مفيش مشكلة”.
شاهد:
