أكد مرتضى منصور، أن الزمالك مهدد بإيقاف القيد لعدم دفع مستحقات الغاني بنيامين إتشيمبونج لاعب الفريق السابق، بسبب وجود حجز على أرصدة الفارس الأبيض.
وقال مرتضى منصور في تصريحات عبر فيديو تم بثه علي قناته على “اليوتيوب”:” إحنا داخلين على مصيبه كبيره والناس بدل ما تهاجم اللي حاجز على أرصدة النادي، بتهاجمنا”.
وأضاف:” اللعيبه والمدرب مقبضوش فلوسهم ومش دي المشكلة، إحنا حتى حساب الدولار محجوز عليه ويوجد فيه 2مليون دولار”.
وشدد مرتضى: “في فلوس مفروض تتدفع في قضيه اتشمبونج مش عارفين ندفعها، الزمالك هيتوقف قيده والناس واقفه تتفرج”.
وأردف:” أتمنى الكفه تتعدل، انا عاوز الماتش ده البنا، مش ده البنا اللي بوظ السوبر وركبك على بيراميدز، طيب انا عاوز القفل والكاشف، حاضر ياباشا انت تؤمر، ايه المشكله، طيب من فضلك يا إتحاد الكره محمد عادل واخد موقف من الزمالك يحكم له، والبنا واخد موقف مننا حاضر ياباشا”.
وأشار مرتضي:” انت فين ياحازم ياإمام، انا لومنك استقيل، انت مسئول عن الكره، انت اللي سايب ناديك يتبهدل، وهم بيتعمل معهم ايه، ابن شوبير طلع فوق الواد الاجنبي ومحدش كلمه، مش كده، ده ياسر ابراهيم اللي كان في الزمالك بيقول بنتظلم من التحكيم دلوقتي بيزعق للحكام محدش بيقرب منه”.
وأختتم: “جمهور الزمالك مطلوب العدل ينفع قناة أون فيها شوبير عاملها قناة الأهلي وإبراهيم فايق ومدحت شلبي عاملنها للأهلي، هو كده في الدنيا؟، ابعت جواب رسمي اقولكم ذيعوا بطوله إفريقيا للطايره اللي في تونس ترفض وتذيع لسلة الأهلي، مش عاوز الزملكاويه يحسوا بالقهر”.
