“مش بنزايد على حد”.. تعليق ناري من تامر عبد الحميد على أزمة التجديد لثنائي الزمالك!! – فيديو

علق تامر عبد الحميد “دونجا” لاعب نادي الزمالك السابق، على أزمة التجديد لثنائي الفارس الأبيض سيف فاروق جعفر، ويوسف أسامه نبيه، وذلك في ظل الأنباء التي تتردد بشأن توقيعهما لبيراميدز.

وقال تامر عبد الحميد “دونجا ” في تصريحات تليفزبونيه ببرنامج “اللعيب”عبر قناة “m bc مصر”:” سيف ويوسف آبهاتهم رموز الزمالك ولازم يجددوا، لو ناس ثانيه ماشي”.

ورد عليه مصطفى يونس لاعب الأهلي السابق: “احنا رموز الاهلي ومش موجودين فيه”.

وأضاف تامر:” لو ابني يبقى موجود الزمالك هقوله جدد ببلاش، احنا ولاد الزمالك وخيره علينا، انا مش بزايد على حد زي ما اسامه نبيه بيكلم، لكن اي عرض بيجي من الزمالك خلاص أوقع”.

وشدد:” الزمالك عنده مشاكل ومفيش سيوله ماليه، ازاي ميستنوش الزمالك ويوقعوا لأنديه ثانيه”.

وسأل دونجا مصطفى يونس: “لو ابنك بالأهلي هتقوله امشي من الاهلي؟، ليرد يونس:” هقوله شوف مصلحتك الكرة اصبحت إحتراف وفلوس، الإنتماء والولاء إنتهى”.

وأختتم عبد الحميد: ” يوسف أسامه نبيه وسيف فاروق جعفر حالة خاصه، ولاد رموز الزمالك ومتربين جوه النادي ازاي يمشوا، لو الزمالك قالي مش عاوزك خلاص، لكن دول لعيبه لسه صغيره 22 و23 سنه مش29 سنه”.