فتح هشام نصر رئيس إتحاد اليد السابق، النار على مرتضى منصور المعزول من رئاسة الزمالك، وكشف عن سبب أزمات الفارس الأبيض.
وقال هشام نصر في تصريحات تليفزيونيه ببرنامج “الماتش” عبر قناة “صدى البلد”:” الجميع يعلم أن الزمالك يعاني، ولكن اللى وصلنا لكده أن الزمالك أصبح وحيدًا لم يتبقى منه إلا اسمه العظيم وجماهيره العظيمة اللى وقود النادي، والأزمة إن النادي بدأ يفقد أجيال جديدة شايفة قدامها مشاكل وأحداث وصراعات، لكن مازال هناك ناس عاشقين للنادي”.
وتابع: “الزمالك أصبح وحيدًا في إدارته، بمعنى إن الشاطر والقوى بيكون قوى بالناس اللى معاه، لكن لو فضلت أقول انا بس اللى بعرف في الإدارة والتخطيط والكرة هذا خط مدمر، ولو نجح لفترة مش هيكمل على طول، وسر النجاح دايما بيكون في التخصص، والمفروض الم الناس دي حوليا، وكل مريدين الزمالك انفضوا عنه”.
وأختتم نصر:” الأمور أصبحت واضحة وهي إن الزمالك بقى في مشكلة كبيرة جدًا وهي “الإدارة الفردية” شخص واحد بيدير كل حاجة، ونفسي اعرف أي حد في الزمالك ماسك أو متولى إدارة أي ملف معين، وقولًا واحد ما نحن فيه هو نتيجة الإدارة الفردية”.
«الإدارة الفردية هي السبب».. تصريحات قوية جدًا من هشام نصر على أوضاع الزمالك الحالية: مينفعش انفرد برأي بس هتبقى دي النتيجة #صدى_البلد #الماتش @HHathout pic.twitter.com/C8WCR8WpVH
— صدى البلد (@baladtv) June 6, 2023
