كشف مرتضى منصور المعزول من رئاسة الزمالك، كواليس إقتراحه لوزير الشباب والرياضة أشرف صبحي لحل أزمة ممدوح عباس.
وقال مرتضى منصور في تصريحات تليفزيونيه عبر قناة “الزمالك”:” قالوا صلح مع ممدوح عباس، مفيش صلح، بإختصار شديد قلت لوزير الرياضه مش هتقعد في القصه كتير شوف هل النادي سدد اومسددش فلوس ممدوح عباس “.
وأضاف:” طلبت من وزير الرياضة تشكيل لجنه من المدير المالي للزمالك ومحامي ممدوح عباس وحد من عند حضرتك، لك 10 جنيه اتفضل خدهم ملكش خلاص”.
وشدد مرتضى:” الموضوع ورق، الدوله تشوف هل له ولا لا، انت معاك ورق والزمالك معاه ورق، يا ورقك سليم او ورق النادي سليم، نوصل لنتيجه لك 10 قروش نسددهم ونقسط، ملكش نرفع الحجز بالامر المباشر”.
وأكمل: “الدولار دلوقتي بـ40 جنيه، لو له فلوس بالدولار ياخدها كده، وهو القرض كان ايامها الدولار بـ6 جنيه”.
وأشار مرتضى:” طلبنا في خطاب رسمي من وزاوة الرياضة، انا مش طرف هو حاجز على الزمالك،الوزارة تشكل لجنة من النادي ولجنه من عنده ولجنه من الدوله الوزارة او الجهاز المركزي للمحاسبات لإنهاء أمر مديونيات الزمالك لممدوح عباس”.
وأختتم:” اولا طبعا اللي كتب الطعن مستشار الدوله دي هيئة مستقله مفيش حاجه اسمها محامي الدوله، لا دي مستشار الدوله وده الدوله بتستشيره في موضوع ومعين وبينصح الدوله تعمل ايه، القاضي الجليل اللي اخد قرار عزلي عضو بالزمالك وعمري ما كلمت حد وابن اختي شغال قاضي فيالمحكمة الاقتصاديه وعمري ما اتكلمت ان حد يتوسطلي”.
