“ده مش نادي عيالي”.. رسالة عاجلة من مرتضى منصور لـ جماهير الزمالك قبل مؤتمر الخميس الحاسم – فيديو
حرص مرتضى منصور على توجيه رسالة خاصة إلى جماهير نادي الزمالك، مشيرًا إلي أنه قرر عقد مؤتمر صحفي هام الخميس القادم للحديث عن عدد من الملفات الهامة المتعلقة بالفريق الأول لكرة القدم.
وقال “مرتضى” :”إحنا على مدار الأيام اللى فاتت مشينا الأمور بالقدر المستطاع، النهاردة كان عندي قضية مهمة اتحجزت للحكم ليوم 21 أغسطس القادم، بكرة عندي ثلاث قضايا جداد ومعنديش مشكلة”.
وقررت محكمة القاهرة الاقتصادية، اليوم الإثنين تأجيل جلسة محاكمة مرتضى منصور، رئيس الزمالك السابق، على خلفية اتهامه بالاعتداء على موظفة عمومية أثناء تأدية عملها، لجلسة 21 أغسطس للحكم.
وأضاف “مرتضى” :”لو أي حد مكاني وشغلته في الأساس مش محامي ومجرد رئيس نادي عادي، كان زمانه ولع في نفسه، والكلام ده ولا يهز شعري من رأسي لأن كل شيء مكتوب”.
وأضاف “مرتضى” في الفيديو الذي نشره على “اليوتيوب” :” يوم الخميس هنتكلم ومفيش حد أولأ باسمي، وأنا بتكلم كل يوم علشان محدش بيتكلم بأسمي، وانا كنت منتظر لنهاية الدوري علشان نشرك الجماهير معانا لأن الإدارة مشتركة”.
وكان مرتضى منصور قد أعلن صباح اليوم عن عقد مؤتمر صحفي هام الخميس القادم لكشف العديد من القضايا المتعلقة بالقلعة البيضاء أمام الجماهير
ووجه “مرتضى” حديثة لـ جماهير الزمالك قائلا :”من حق الجماهير تزعل وتغضب، وحضرتك عايز بطولات، تمام، وعايز صفقات تمام، الصفقات دعايزة فلوس اللى محجوز عليها والدولة حاجزة على الباقي”.
وتابع :”ندعو كل الأطراف لمؤتمر يوم الخميس، حتى الصفحات اللى بتشتم فينا، لأن النادي ده مش نادي أبويا ولا نادي عيالي، لكن واضح إن فيه عقدة في البلد دي ضد أبناء المسؤولين “.
شاهد:
