رد مرتضى منصور رئيس نادي الزمالك “المعزول” على اتهامات الموسم الكارثي داخل نادي الزمالك، مشيرًا إلي أن البرتغالي فيريرا المدير الفني للفريق الأول لكرة القدم في القلعة البيضاء السابق كان سببًا في خروج الفريق من 4 بطولات.
وقال “مرتضى” :”الواد الي بيقول إن بيبو معلم عليا في البطولات انا واخد 58 بطوله في كل الالعاب منهم 7 مواجهات مباشرة مع الأهلي في الكورة”.
وأشار :”انا قولت إني مش هتكلم على القضاء نهائيا، دي أشرف مهنه في مصر ، ومش عشان قاضي واحد اتكلم احنا عندنا اكتر من ٤٠ الف قاضي مش هنعمم”.
وأضاف “مرتضى” خلال المؤتمر الذي يقعده حاليًا داخل نادي الزمالك :”مش هتكلم في القضاء عشان بيقولوا بيبو علم عليك في المحاكم ، متستفزنيش برضو مش هتكلم”.
وتابع :”السنادي اللي بتقول عليها سنه سوده انت مش واخد دوري وكأس طائرة ؟ والبنات كاس وأفريقيا طايره ؟ واليد واخدين كأس وسوبر ؟”.
وأكمل :”في كرة القدم مش قولت فيريرا وجدو فيريرا ؟ ضيع أربع بطولات في شهرين بعنده ودماغه، كل اللعيبه الجديدة حرقها واللعيبه القديمة أرهقها ، وبعدين مش ده شلبى اللي مكسر الدنيا ونداي اللي مكسر الدنيا و الزنارى”.
