“مكمل وهينجح في الانتخابات”.. تعليق ناري من عمرو أديب بعد تأجيل الحكم على عزل مرتضى منصور – فيديو
علق الإعلامي عمرو أديب على قرار تأجيل جلسة الحكم في الطعن المقدم من هيئة قضايا الدولة على حكم عزل مرتضى منصور من رئاسة نادي الزمالك إلي جلسة الغد.
يذكر أن المحكمة الإدارية العليا في مجلس الدولة، أجلت السبت الموافق 8 يوليو 2023، جلسة الطعن المقدم من هيئة قضايا الدولة بالنيابة عن وزير الرياضة ومديرية الشباب والرياضة بالجيزة، على حكم عزل مرتضى منصور من رئاسة نادي الزمالك الصادر عن محكمة القضاء الإداري لجلسة الغد الأحد للحكم.
وقال “عمرو”:” سواء الحكم اللى فات أو اللى جاى لن يؤثر في الزمالك، لأن مرتضى منصور قاعد لغاية الانتخابات الجاية، وهيكسب الانتخابات، وهو لم يرحل من الأساس ومحدش قاله حاجة”.
وأضاف “عمرو” خلال تقديمه حلقة جديدة من برنامج “الحكاية” على قناة “إم بي سي مصر” :” أنا مش زعلان والموضوع مش فارق كتير، والنادي في حالة سيئة جدًا، بس نفسى حد يفهمني لو فاهم أي حاجة”.
وأوضح: “عندي سؤال للدولة عن مرتضى منصور مش لاقي له إجابة، ليه الدولة ممثلة في وزارة الشباب والرياضة هي اللي رافعة طعن لإلغاء عزل رئيس نادي الزمالك؟”
وأختتم :”ياريت حد يبعتلنا يفهمنا اللى بيحصل وليه الدولة بتطعن في عزل مرتضى منصور، مش مرتضى نفسه اللى قدم الطعن، واللى تشوفه في النهاية ده من أخر اهتماماتي “.
شاهد:
