هل ندمت على الانتقال من الزمالك للنادي الأهلي؟ رد صادم من رضا عبد العال !!.. ويكشف سر رحيله عن الأبيض – فيديو
أكد رضا عبدالعال نجم الكرة المصرية السابق، أنه لم يشعر بالندم عند إنتقاله من الزمالك للأهلي، مشيرًا إلى أنه كان يستعد على توقيع عقده الجديد من الفارس الأبيض لكن أعضاء مجلس الإدارة هم من رفضوا ذلك.
وقال “رضا” :”جمهور الزمالك زعلان على رحيل إمام عاشور، طب من الأول فرط فيه ليه، أنت جمهور عاطفي وبتحب اللاعيبة بتاعتك”.
وأشار :”أنا لما روحت الأهلي من الزمالك معملتش كوبري، ولو أنا عايز أروح الأهلي هل كنت روحت للإدارة في الزمالك بنفسي وهما اللى هربوا مني”.
وأضاف “رضا” خلال استضافته في برنامج “البريمو” على قناة “تن” :”مش ندمان طبعًا إني روحت الأهلي، بالعكس أنا مفترتش على نادي الزمالك ولغاية آخر لحظة كنت رايح النادي علشان أجدد ووافقت على عرض الـ 25 ألف جنية في الموسم”.
وتابع:”كنت رايح علشان أجدد لكن مجلس الإدارة لما عرف إني وافقت هربوا وراحو الإسكندرية، واللى كان في مجلس الزمالك وقتها هم المستشار جلال إبراهيم ورؤف جاسر، والاستاذ محمود معروف، والكابتن حمادة إمام”.
وأوضح :”كنت واخد معاد على يوم الأربعاء علشان أجدد وتم الاتفاق معايا قبلها على التجديد مقابل 25 ألف جنية مع بداية كل موسم ، ولما روحت النادي في المعاد المحدد قالولى محدش من الأعضاء هنا كلهم في إسكندرية في المصيف، وكان فاضل يومين وأمضى من جديد لنادي الزمالك من غير جنيه واحد”.
وشدد “رضا” :”أقسم بالله وحياة ولادي وأول مرة أقولها أنا لم أندم على الانتقال للأهلي لسبب واحد، اني مفترتش على نادي الزمالك وجماهيره”.
وأختتم “عبد العال” :”مش طموحي إني أدرب أو اشتغل في قطاع الناشئين في الزمالك والأهلي، علشان معنديش خلق إني أشتغل في قطاعات الناشئين”.
شاهد:
