فتح أحمد عيد عبد الملك نجم نادي الزمالك السابق و منتخب مصر النار على أحمد مرتضى منصور عضو مجلس إدارة نادي الزمالك.
و كتب أحمد عيد عبد الملك ردا على أحمد مرتضى عبر حسابه على تويتر:-
البطولات : وقف القيد ..فشل في تجديد عقود نجوم الفريق ..بيع نجوم الفريق .. بيع اهم لاعب في مركزه بدون نسبة اعادة بيع ورجوعه علي المنافس.
و اضاف : ١٠ سنين مخدتش دوري ابطال الي كابتن ايمن معاه منه ٣ .. وابوك الي بيخوض في اعراض الناس واللاعيبة الي في النادي ..
و تابع : فرع ٦ اكتوبر اللي روحت اتصورت جنب الونش وجيت .. النادي الي بقي ١٠٠ الف عضوية ومحدش بيعرف يقعد فيه ..
و اضاف : ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات.
و واصل : هو انت عمرك اخدت قرار او اي حد معاك يقدر ياخد قرار انتو صورة بس !!
و اكمل : ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان .
و حرص أيمن يونس نجم نادي الزمالك السابق على توجيه رسالة هامة الي أعضاء مجلس إدارة نادي الزمالك .
و كتب أيمن يونس عبر حسابه الشخصي على تويتر: الساده أعضاء المجلس المتبقين ..اذا كان لديكم ذره حب متبقيه جوه قلوبكم ل نادي الزمالك ..فاستقيلوا حتي نتذكر لكم موقف جيد و كفااااايه بجد
و تابع : أما عن شيكابالا الاسطوره المخلص ابن نادينا جينات .دم ..روح .ف انا اشهد لك انك في كل مواقفك كنت عاشق للزمالك و جماهيره ..بدون مزايدات.
و حرص أحمد مرتضى منصور عضو مجلس إدارة نادي الزمالك الرد على أيمن يونس عبر حسابه على تويتر .
و قال أحمد مرتضى : استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري.
و اضاف : هل منطقي لو في اخفاق موسم واحد استقيل للأسف الكلام بيكون قدام الناس كلام وفي الغرف المغلقه كلام تاني.
و اتم تصريحاته قائلا: كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام.
