“التاريخ لوحده ميلعبش”.. مجدي عبد الغني يفتح النار على المسئولين بعد تصريحات الإعلامي وليد الفراج!! – فيديو

فتح مجدي عبد الغني لاعب الأهلي السابق، النار على مسئولي الرياضة المصرية، وذلك بعد تصريحات الإعلامي السعودي وليد الفراج بشأن الدوري المصري وديربي الزمالك والأهلي.

وكان الإعلامي السعودي وليد الفراج قد قال ردا على مشجع مصري عبر برنامج “أكشن مع وليد”: “ديربي الزمالك والأهلي عالمي؟ أنا بحب الأهلي وأحترم الكرة المصرية، بس ده ديربي على مستوى جمهورية مصر العربية فقط لا غير، مش زي ديربي الهلال والنصر”.

وأضاف: “مش شايف أسماء اللاعيبة؟ الدوري المصري محدش بيشوفه إلا أهل بلده بعكس السعودي اللي بينقل على 40 قناة في العالم حاول تتكيف على المرحلة الجاية”.

وقال مجدي عبد الغني في تصريحات تليفزيونيه ببرنامج “ملعب الشمس”عبر قناة” الشمس”:” النصر والهلال الأقوياء طلبوا تأجيل مبارياتهم في إفتتاح الدوري السعودي، لكن إتحاد الكره السعودي قالهم no لا، رغم انهم لعبوا نهائي البطولة العربيه امس السبت ولديهما مباراة الاثنين”.

وأضاف: “هذا مايحدث في الدول التي تريد ان تتقدم في كرة القدم، شوفوا الناس راحت فين ووصلت فين وراحت كام مره كأس عالم وترتيب منتخبها وشوف احنا وصلنا للاسف لفين، اتمنى الرساله تكون وصلت ومنزعلش ان غيرنا بيتقدم وبنفرح بتقدم السعوديه”.

وشدد عبد الغني:” التاريخ لوحده ميلعبش ومش هيعمل حاجه المهم العمل، السعودية قلبوا النصر لميلان والهلال لإنتر ميلان، ومتأكد ان الناس هتدور على الدوري السعودي علشان يشوفوا رونالدو وبنزيما وفيرمينيو”.

وأردف:” نتمنى نغير والغيره في النحاج محموده مش وحشه، وواحد ناجح متحقدش عليه تغير تكون زيه، احنا علمنا الناس اه، لكن الناس اتعلمت لازم نقول براڤو انكم اتعلمتوا احنا علمناهم ولكن هم اتعلموا وتطوروا”.

وأشار عبد الغني:” احنا فين في الكره؟، احنا بنعند مع بعض، بنوقف لجان بحالها جوه الاتحادات لمجرد العند، ونوقف اللوايح علشان ابين ان انا الجامد هناك مفيش ماتشات متأجله ليه لان في مبدأ تكافؤ الفرص”.

وأختتم:” النصر والهلال هيريحوا يوم واحد بعد نهائي البطولة العربية اتصرف لعب الإحتياطي، ليه لان مش ذنب الفرق ان النصر خد كاس العرب يعني النصر اخد البطوله لنفسه، انما تأجلها للاسبوع 38 وتكون حالته اتحسنت وريح ويلاعبني وانا مهدد بالهبوط ويكسبني دي مش كره”.