“النادي كان بيتكلم قواضي”.. حسين لبيب يقدم روشتة إصلاح الزمالك بعد رحيل مجلس مرتضى منصور – فيديو
تحدث حسين لبيب رئيس اللجنة المؤقتة السابق في نادي الزمالك عن الوضع الخاص بالقلعة البيضاء خلال الفترة القادمة بعد رحيل مجلس مرتضى منصور عن الفارس الأبيض.
وقال “لبيب” :”رجوع النادي للبطولات من وجهه نظري سهل جدا جدا طول ما كل الزملكاويه بيلتفوا حول الإدارة ، احنا 6 شهور مغلطناش في اي شخص ومقولناش ان الفوز ده بتاع اللجنة لا ده بتاعنا كلنا”.
وأشار :”النادي الفتره اللي فاتت مكنش بيتكلم رياضه كان بيتكلم قواضي ومشاكل، الناحيه الرياضيه والأخلاقية مهمين وهو ده الأساس، لازم نهتم بفريق كرة القدم لانهم واجهة النادي واللي صنعوا شعبيته”.
وأضاف “لبيب” خلال استضافته في برنامج ” على مسئوليتي” على قناة “صدى البلد” :”فريق الكورة مش زيزو وفتوح بس لا عندنا الونش وعندنا صبحي وفي ذخيرة من اللاعبين ومننساش اننا كسبنا الدوري سنتين”.
وأكمل “لبيب” :”اللاعبين دول على حسب الإدارة والأجهزة الفنية والطبية واللاعبين، لما يبقى في تناسق بين التلاتة دول بتقدر تاخد الـ١٢٠٪ من اللعب”.
وأختتم “لبيب” :”المنظومه لو متكاملة ومتناغمة الدنيا هتبقى أحسن، عندنا فتوح بيخلص وزيزو بيخلص والجزيري لاعب موهوب وجامد جدا جدا ، عندنا فريق محترم ولكن محتاج دعم”.
شاهد:
