“النادي هيفضل عايش غصب عن الكل”.. رساله ناريه من أحمد عيد عبدالملك لوزير الرياضة بعد تصريحات عماد البناني!! – صورة

وجه أحمد عيد عبد الملك لاعب الزمالك السابق رسالة ناريه لوزير الشباب والرياضة أشرف صبحي، وذلك بعد تعيينه الدكتور عماد البناني مدير تنفيذي للفارس الابيض وسط إعتراضات شديدة من جماهير النادي بسبب إنتماء البناني الرياضي.

وكتب أحمد عيد عبر حسابه الشخصي بموقع التواصل الإجتماعي “فيسبوك”:” هو سيادة الوزير جايب لنادي الزمالك واحد طالع يقول معنديش انتماء لنادي الزمالك ليه و بيدير النادي في اخطر فترة في تاريخ النادي والزمالك عنده مليون مشكلة و عنده مليون كادر من ولاده يقدر يدير “.

وأضاف:” ده الناس واقفة في النادي مش عوزاه يا سيادة الوزير وكل حاجة بتوصلكو “.

وشدد عبد الملك:” وليه من الاساس تشيل الراجل الي رجع في اسبوع يظبط كل الامور ما هو ده بردو مش طبيعي ولا منطقي وبدون اي اسباب “.

وأختتم:” ما هو الموضوع مش بالعافية و العند لو عاوزين الزمالك يروح زي الاندية العريقة الي راحت والزمن جه عليهم مش هيحصل والله النادي ده بجمهوره وتاريخه وولاده هيفضل عايش غصب عن الكل، يا اما تعرفونا لو الزمالك لازم يفضل كدة طول العمر دي تبقي حاجة تانية بقي، سيبو الزمالك يعيش يا افندم “.