“انت سقطت في الإنتخابات”.. رد ناري من أحمد مرتضى على أحمد سليمان بعد وضعه شروط لقبول مبادرة الصلح!!

رد أحمد مرتضى منصور القائم بأعمال رئيس الزمالك، على تصريحات أحمد سليمان المرشح السابق لرئاسة الفارس الابيض بشأن مبادرة الصلح الذي أطلقها مرتضى بالامس.

ووضع أحمد سليمان شروط لقبول مبادرة الصلح ومنها: إعادة كل الأعضاء المشطوبين والممنوعين من دخول النادي وقبول سداد اشتراكاتهم،و إظهار قرار مجلس الإدارة بتعيين القائم بأعمال رئيس النادي للرأي العام، سماع أصوات الجماهير العاقلة وتلبية طموحاتهم،و إعلان جميع الالتزامات المالية العاجلة المستحقة على النادي، وإعطاء صلاحيات لذوي الخبرة والكفاءة من أبناء النادي لوضع حلول وخارطة طريق صحيح،و تغيير سياسة قناة نادى الزمالك لتتحدث عن شئون النادي فقط.

وقال أحمد مرتضى منصور في تصريحات تليفزيونيه ببرنامج “زملكاوي” عبر قناة “الزمالك”:” انت سافرت ولبست وقاعد في الفندق على حساب الزمالك، وفي ناس اصرت تاخد فلوسها قبل السفر للسعوديه”.

وتابع: “انا كقائم باعمال رئيس اانادي لا أتحدث عن مدرب موجود في النادي ولكن في مشرف على اللعبه هيكلم مع المدرب ويجازيه ويمشيه، والكلام له حساب ولكن له وقت. مناسب، وتتكلم في قناة أجنبيه على الزمالك؟، الزمالك كبير ومجلس ادارته كبير ولاعبيه كبار”.

وشدد مرتضى:” مفيش حد فوق المسائله ومش هكلم اكتر من كده، المشرف على اللعبه احمد دعبس اتكلم وهو اللي هيحاسب المدرب”.

وأردف: “امبارح اطلقت مبادره من منطلق قوه، احنا لامجلس بالتعيين ولا لجنة انا مجلس ادارة منتخب باكبر جمعيه عموميه، ولاخايف ولامرعوب ولامستني حد يطبطب عليا بقولهم طبطبوا على الزمالك”.

وأشار:” مرتضى منصور مشي بمزاجه، وقال بعمل مبادره للجميع، وقلت اسماء رموز كتير ومذكرتش الاسم ده، ويقول شروط انا اللي اطلقت المبادره ومش طبيعي تحط شروط علشان تقعد معايا، وانت موجود انا اللي كنت بجيب فلوس ولعيبه، ومنساش لما جبت عرض لعبدالشافي بـ300 الف دولار وقولتلك قليل، وانا جبت عرض ثاني و اعارته انا بمليون و200 الف دولار”.

وأكمل مرتضى:” مبادرتي ليس معناها ضعف، ولكن لازم الاجواء تكون سليمه وصحيه علشان نقدر نشتغل، واولها بقول لولاد النادي نفتح صفحه جديده، حضرتك نزلت الانتخابات وسقطت والناس مقتنعنش بك واقتنعت بيا انا ومجلس الادارة”.

وواصل: “متخلوش المبادرة تموت قبل ماتبدأ، وبالفعل ناس استجابت للمبادره وطارق السيد كلمني وقال عاوز اساعد واجي النادي، لوانت عاوز الكرسي بتحط شروط ونقي لي الكشوف علشان الناس تعرفني، انا في المكان ده بدون شروط وقولت هنحط ايدينا في ايد بعض”.

وأستأتف:” مش عاوز اتكلم كتير على مرتضى منصور، حلمي وانا عندي 10 سنين كان قناة للزمالك واقعد على كرسي كويس في النادي، مرتضى عمل كل ده وحلمي كان احصل على بطوله في كرة اليد بكلمك على واحد متربع في كل البطولات، و10 سنين كلهم خير للزمالك”.

وأستطرد:” اعتبروني مش اسمي احمد مرتضى مادام مشكلتك مرتضى اعتبروني اي واحد في المجلس، لكن المجلس بادر باسم رئيسه واناقائم باعمال في انتخابات وممكن مرتضى ينزل، نيتي كانت واضحه ومش عاوزين شروط”.

وأستكمل مرتضى: “لما مدرب يكلم على الإداره معناه ان حاجه اتكسرت في الزمالك، وممكن تزعلوا من كلامي ولكن عمرها ماحصلت في الاهلي ان لاعب اومدرب يكلم على الإدارة”.

وأختتم:” لومش هتمشوها بالاصول لوجبنا مليار مفيش حاجه هتتصلح، ارجو من الجميع صفحه واتقفلت وكل الناس في طريق واحد الزمالك غني بفلوسه وولاده واصوله ومدربه وجماهيره واعضاءه مش محتاج حد يحط شروط، انا همشي و الزمالك باقي بجمهوره واعضاءه”.