بعد تصريحات مدرب اليد ..حماده عبد الباري يكشف تفاصيل صادمة في ملف مشاركة الزمالك بالبطولة العربيه !!

كشف حمادة عبدالباري رئيس بعثة يد الزمالك في السعودية، تفاصيل سفر الفريق لخوض البطولة العربية، ودور مجلس الإدارة مع اللاعبين بعد تصريحات أحمد رمضان “هتلر” المدير الفني للكوماندوز.

وكان أحمد رمضان مدرب فريق يد الزمالك قد قال في تصريحات صحفية بالسعودية :” إدارة الزمالك عشوائية ولن نستمر في وجودها ومش بخاف من حد ومسافرناش بطيارة خاصة زي ما بيقولوا واللي عايز يكدب يكدب وحجزولنا الطيارة للرياض والماتش في الدمام ولولا الجمهور مكناش لحقنا أول ماتش”.

وقال عبد الباري في تصريحات تليفزبونيه ببرنامج “زملكاوي” عبر قناة “الزمالك”:”انا لسه موصلتش الفندق ولا قابلت كابتن هتلر،ومعرفش وليه وقت التصريحات دي، انا ممكن اكلمك بكره علشان اقول رد هتلر”.

وأضاف:” احنا عانينا كتير وكل الدنيا عارفه، ولكن مش معنى كده ان النادي مش واقف معنا احنا مكناش مسافرين ودي سفريه تمت في6 ساعات، الادارة كانت مصممه وقدمت ورقه اننا مش مسافرين لاسباب معينة”.

وشدد:” لمايجي مدرب اجنبي يتحكم في فريق مصري ويمنعه من المشاركه في بطولة، وهو عاوز فلوسه لا مينفعش”.

وتابع عبد الباري: “فعلا سافرنا من غير فلوس وبعتوا لنا20 الف دولار النهارده وهيبعتوا تاني”.

وأكمل:” لقينا 20 تذكره على طيران النيل ووصلنا 5 صباحا وخرجنا من المطار الساعه6،و انا بعت لإدارة الدوره اننا هتوصل الساعه 6 صباحا، وكان في اتوبيس بانتظارنا وكان في جمهور اكرمنا واستقبلنا احسن استقبال، وفي الطريق نزلنا استراحه وسألنا مش ده اتوبيس من الاتحاد؟ الجماهير قالوا لا ده من الرابطه، وقالوا انهم تواصلوا مع الإتحاد العربي وقالوا مفيش باص فاحنا اتصرفنا وجبنا الباص وعرضنا دفع المقابل ورفضوا وشكرتهم”.

وأختتم: “لما اكلم كابتن هتلر واقعد معه واعرف منه سبب الكلام هوضح اكيد”.