بعد تصريحات وليد الفراج !! تعليق ناري من عضو مجلس إدارة الأهلي علي وضع الكرة المصرية !! – صورة

علق محمد الدماطي عضو مجلس إدارة النادي الأهلي علي تقليل الإعلامي السعودي وليد الفراج من قيمة ديربي الدوري المصري بين الزمالك والأهلي في رد علي أحد متابعيه المصريين.

وكتب محمد الدماطي عضو مجلس إدارة النادي الأهلي عبر حسابه الشخصي على موقع التواصل الإجتماعي فيسبوك :لو عايزين نعترف بالخطأ و نصلح يبقي لازم نقول ان كلام الاعلامي السعودي صحيح ١٠٠٪؜ و دي حقيقة حتي لو كانت مؤلمة .

وواصل: اما لو كالعادة عايزين نتجاهل الحقايق حنقلبها شتيمة و مش حنصلح اي حاجة ، مع كامل الاحترام للجميع منظومة النادي الاهلي هي من ابقت الكورة المصرية علي قيد الحياة .

وأتم: المنظومة اللي اتحاربت علي مدار سنين عشان تبقي فاشلة زي غيرها هي من تعطي الكورة المصرية شرف التواجد في المحافل الدولية ، ياريت الكل يتعلم من الاهلي و يسمعة لو عايزين نتحرك لقدام في مواجهة صاروخ التقدم اللي حوالينا.

يأتي تعليق عضو مجلس الأهلي ليكون مضحك بعدما أشار إلي محاولات عرقلة الأهلي من المسئولين بالرغم من أن الأحمر يتقاضى أضعاف حقوق الرعاية بالنسبة للزمالك ، وتعاني كل أندية الدوري المصري مالياً ، ماعدا نادي واحد وهو أمر معروف للجميع.

كان قد قال الإعلامي السعودي وليد الفراج ردا على مشجع مصري عبر برنامج “أكشن مع وليد”: “ديربي الأهلي والزمالك عالمي؟ أنا بحب الأهلي وأحترم الكرة المصرية، بس ده ديربي على مستوى جمهورية مصر العربية فقط لا غير، مش زي ديربي الهلال والنصر”.

وأضاف: “مش شايف أسماء اللاعيبة؟ الدوري المصري محدش بيشوفه إلا أهل بلده بعكس السعودي اللي بينقل على 40 قناة في العالم حاول تتكيف على المرحلة الجاية”.