كشف حسن موسى المدير التنفيذي للزمالك، عن موعد جلسته مع الكولومبي خوان كارلوس اوسوريو المدير الفني للفارس الابيض من أجل بحث أزمات الفريق.
وقال حسن موسى في تصريحات تليفزيونيه ببرنامج “الماتش” عبر قناة “صدى البلد”:” الحمدلله اول مرة احس ان كل شعب الزمالك ورموزه وقيادته الإداريه والفنيه كلموني انهم في ضهر الزمالك، والكل مستعد يعمل اي حاجه علشان النادي يكون رقم واحد وده اول مرة اشوفه”.
وتابع:”شايف تكاتف مثمر وحسيته فعلا من الجميع، وسعيد جدا ومتفائل من اول يوم ان مستقبل الزمالك بخير”.
وشدد موسى:” الزمالك غني بابناءه وقياداته، ومفيش مشكله واحده علشان حد يذكرها حصلت اليوم، واي مشكله ظهرت اتحلت بسهوله، وبطمن الجمهور والاعضاء المستقبل جميل ومثمر”.
واردف:” الكل متكاتف وكل الازمات في ملف اتحط قدام رموز النادي واخطروني ان مفيش ازمات ماليه او اداريه وكل الامور هتتحل، رموز النادي ورجال الاعمال متكاتفين وحسيت بده واول 24 ساعه الدنيا تمام وماشيه في الطريق الصح”.
وأضاف موسي:” ملف فريق الكرة يعتبر متاخد اشواط جامده فيه، وان شاء الله زيزو وفتوح هيبقوا موجودين مع الفريق، في جلسه مع المدرب بكره وكل الامور هتتحل ان شاء وهتتفحص كل طلباته وهتتنفذ”.
وأكمل: “معنديش فكرة عن تجديد ولكن اول مااعرف ان فتوح هيجدد هقول، جالي تليفون ان كابتن زيزو باقي في الزمالك وده كان من رجال اعمال”.
وواصل:” الامور الفنيه هتدرس مع مدير النشاط الرياضي، اول لما هنبلغ الجهه الاداريه اننا جاهزين للجمعيه العموميه هنبدا في اجراءات الانتخابات “.
وأختتم:” بطمن الجمهور جدا جدا وتفائل الزمالك ثم الزمالك ثم الزمالك”.
