كشف حسين لبيب رئيس اللجنة السابقة لإدارة الزمالك، عن موقفه من خوض إنتخابات الفارس الأبيض القادمة بعد إستقالة مجلس الإدارة.
وقال لبيب في تصريحات تليفزيونيه ببرنامج “على مسئوليتي” عبر قناة “صدى البلد”:” النشاط الرياضي موجود في الزمالك وسهل يعود للبطولات، وقبل الـ7 شهور الماضية النادي كان حاصل على بطولات”.
وتابع: “في منتهي السهوله عودة البطولات لإن عندك قوام فرق، والمنظومه الرياضية موجوده لكن الناس تحس ان في ناس بتشتغل لمصلحتهم، عندنا قاعده من الناشئين في كل الألعاب، عارفين دواخل النادي في اليد والسله وعارفين المشاكل”.
وشدد لبيب:” التكاتف أيام اللجنة في 6 شهور حصلنا على بطولات، كان في ناس أفاضل ولديهم الخبرات وكلهم سابوا حياتهم الشخصيه واشتغلوا لمصلحة الزمالك، وكل واحد منهم يدير اكبر مؤسسه في مصر واسماء محترمه، ولما بتشتغل من قلبك بسهوله بتحط النادي على التراك الصحيح”.
واضاف:” لو الـ3 مدير النشاط الرياضي والتنفيذي والمالي تقدموا بإستقالتهم يبقى الوزارة القانون بيحتم عليها تعيين غيرهم، الإنتخابات هي الحل الأمثل للنادي والوزارة تشوف عملها وسواء اللجنة3 او5 اشخاص ده شئ يرجع لدكتور اشرف صبحي”.
واشار لبيب: “قوة اللجنه غير قوة مجلس إدارة منتخب شرعي، علشان يدخل النادي لازم توصل للإنتخابات بشكل قانوني علشان ميبقاش في قضايا، الرياضه اسمها رياضه وتعصب لا وقضايا لا”.
وأكد:” بفكر في خوض الانتخابات طبعا، وعليا دور للزمالك وبأخد رأي اللي حواليا، وفي قائمة جاهزه عندي ونازل وعندي قائمه مشرفه جدا جدا”.
وواصل لبيب: “لما اشتغلنا من3 شهور اه خلالهم فكرنا في التكاتف والهدف تم، والنادي محتاج لأبناءه فلازم اكون مستعد”.
وأكمل:” انا طلعت في الإعلام اطمن الجمهور والاعضاء ومش هطلع تاني وبقول للجميع تكاتفوا ورا النادي ايا كان نتيجه الإنتخابات هنكون خلفهم جميعا ومستعدين نساعدهم”.
وأختتم: “في قائمتي ناس من اللجنة التي كانت معايا، وقعدنا واتفقنا ايوه انا صريح، والحمدلله مبخافش وكل مرحله بعرف اقول ايه وملتزم بكلامي وفي الوقت المناسب بطلع اقول”.
