كشف أحمد جعفر نجم الزمالك السابق، العديد من المفاجآت الصادمة داخل الفارس الابيض ،وشدد ان الوضع كارثي ولابد من مساعدة النادي من المسئولين ورجال الأعمال الزملكاوية.
وقال أحمد جعفر في تصريحات تليفزيونيه ببرنامج “جمهور التالته”
عبر قناة “أون تايم سبورتس2″:” الموضوع في الزمالك صعب جدا، وميدو كلمني وروحت، فالامور صعبه، بتمنى المسئولين يقفوا جانب الزمالك لانه نادي كبير لانه مينفعش يكون الوضع كده”.
وتابع: “جيلنا غير دلوقتي وكنا بنستلف من بعض وميدو كان بيساعدنا كلنا ويصرف على لعيبه كتير، الاجيال اختلفت، وكان في ناس بتساعد ومره عبد الواحد السيد كنا رافضين ننزل التمرين جري ورانا وقالنا مفيش الكلام ده احنا قعدنا سنة كامله مفيش فلوس بس كنا بنساعد بعض”.
وسدد جعفر:” رحيل عدد من اللاعبين أثر علي الفريق وخاصة بعد مساهمتهم في الحصول على بطولات و12 او13 لاعب رحلوا عن الفريق من ابرزهم طارف حامد وابوجبل وبن شر قي وساسي”.
وأردف: “قوام فريق قوي رحل عن الزمالك وكملت الدوري بالشباب وكان معك بعض العناصر الهامه انت هديت الفريق، الصفقات الجديده دخلت والفريق واقع”.
واكمل جعفر:” انا زهقت حلول اول مره اشوف نادي في العالم مجلسه ميقعدش 4سنين، في لعيبه بالزمالك لها مستحقات بأكثر من 200 مليون جنيه، غير الالعاب التانيه انت داخل على كارثه”.
وأختتم: “لو رجال الاعمال الزملكاويه موقفوش جانبه دلوقتي يبقى انت مش همك الزمالك”.
