كشف حسين لبيب رئيس اللجنة السابقة لإدارة الزمالك، عن حجم مديونيات الفارس الابيض وذلك بعد إستقالة مجلس الإدارة.
وقال حسين لبيب في تصريحات تليفزيونيه ببرنامج “على مسئوليتي” عبر قناة “صدى البلد”:” الناس قالوا حسين لبيب بيقول بيانات وبيكلم كتير، لكن لي فكر معين، وكتبت عدد منشورات قليل، منها انه مفيش حد بيشتغل لوحده، ومفيش تعصب وبعدها ابتديت كلام عن الزمالك وبارد على المغالطات وبعدها قولت اطمنوا على الزمالك النادي على الطريق الصحيح”.
وتابع: “نادي الزمالك ليس هو النادي الوحيد المديون، رقم الديون مخيف مليار ونصف أو مليار و800 الف، النادي زيه زي اي نادي مديون، وفي غرامات دوليه وده ملف حد يمسكه ويتعامل فيه، ومديونيات الدوله حد تاني هيتعامل معاه”.
وشدد لبيب:” ديون الزمالك تراكمات من25 سنه ولااقصد شخص معين، ولها جدوله لتسديدها وتكون ملتزم بها قعدنا وعندنا التصور علشان مسأله الديون “.
وأختتم:” اللي بأكده لو انا مش موجود كل اللي عندنا هنسلمه للمجلس الجديد، واتفضل نسدد الديون ازاي ونكون واثقين انهم هيعملوا الصح”.
