رد احمد دعبس عضو مجلس إدارة الزمالك، على تصريحات أحمد رمضان “هتلر” المدير الفني لفريق يد الفارس الأبيض، وهجومه على إدارة النادي بسبب ماحدث قبل البطولة العربية.
وكان أحمد رمضان مدرب فريق يد الزمالك قد قال في تصريحات له اليوم :” إدارة الزمالك عشوائية ولن نستمر في وجودها ومش بخاف من حد ومسافرناش بطيارة خاصة زي ما بيقولوا واللي عايز يكدب يكدب وحجزولنا الطيارة للرياض والماتش في الدمام ولولا الجمهور مكناش لحقنا أول ماتش”.
وقال أحمد دعبس في تصريحات تليفزيونيه ببرنامج “زملكاوي” عبر قناة “الزمالك”:” حابب ارد على كابتن أحمد هتلر، حضرتك مكنتش موافق تسافر السعودية لخوض البطولة العربية، ولما اكلمت معاك قولت هسافر امتى ورافض السفر”.
وشدد: “قلت لكابتن هتلر هنقدر نتصرف وتسافروا، وتواصلت مع أحمد الأحمر وقال عاوزين نسافر وقعدوا مع استاذ احمد مرتضى، وقالوا عاوزين مستحقات اللاعبين، واللاعبين جددوا وكابتن احمد الاحمر اخد جزء من مستحقاته وتم صرف شهر من مستحقاتهم”.
وأضاف دعبس:” كان عندنا مشكله في الطيران وازمه في مستحقات المدير الفني السابق، كنا هنجيب طياره خاصه ومقدرناش، وفي ظل المشاكل ده كلها وفرنا 8 مليون جنيه مستحقات اللاعبين وسافر الفريق”.
وتابع:” ياكابتن هتلر مش فاهم قصد حضرتك وعيب توصف الادارة بالعشوائيه، وحضرتك كنت رافض السفر، ومش قادر افهم التصريح ده ليه، احنا مكناش متأخرين نحجز باص والجمهور جزء منا ومشكورين على توفير اتوبيس، والتصريح مش مفهوم من كابتن هتلر”.
وأختتم: “ده مش وقت خلافات ولسه البطولة مخلصتش اتمني التوفيق والتتويج بالبطوله”.
