“كان عاوز يهرب من البطوله” … مدير النشاط الرياضي بالزمالك يفتح النار على أحمد رمضان مدرب الكوماندوز بعد تصريحاته الأخيره!!-فيديو

فتح أحمد عبد الدايم مدير النشاط الرياضي بالزمالك النار على أحمد رمضان مدرب فريق كره اليد بالنادي، وذلك بعد تصريحات المدرب الأخيره والتي هاجم فيها اداره النادي.

وكان أحمد رمضان قد هاجم اداره النادي منذ قليل واصفاً أداء الاداره بالعشوائي، مؤكداً أنه لن يستمر في قياده الزمالك في ظل تواجد هذه الاداره.

وقال عبد الدايم في تصريحات تلفزيونية عبر قناة الزمالك:”الفوز النهارده واول امس دي نتايج جيده في المرحله الاولى بالنسبه للظروف اللي النادي بيمر بيها”.

وواصل:”مجلس الاداره متأخرش على اي لعبه من الالعاب ، على الرغم من ان الجهاز الفني كان عاوز يعتذر عن البطوله ولكن المستشار مرتضى اصر انهم يلعبوا”.

وشدد:”اللي بيتكلم ده الاداره وفرتلهم ٨ مليون في ليله، وكنا عاوزين طياره خاصه ولكن مقدرناش نوفر لظروف خارجه عننا و٨دما موافقه انهم يسافروا على الرياض”.

وأكد:”كره اليد من الركائز الأساسية في النادي ولا يمكن نتأخر عليهم ، الكلام اللي بيتقال غير صحيح واداره النادي وفرت كل شيء واي حد بيتكلم من برا ميعرفش ظروف النادي ايه، احنا صرفنالهم شهر وهيتصرف شهرين لما يرجعوا”.

وأضاف:”في ظروف بتبقى قهريه ولا بد اننا نستخمل ولعيبه كره اليد رجاله بيستحملوا ، اي حد بيتكلم سواء من جوا او من برا النادي ولامور ممكن تبقى انتخابيه كلامهم مش مصدق”.

وأكمل:”فرقه الكوره او الطايره لما بيجوا يسافروا بيسافروا ترانزيت كذا حته عادي يعني ، احنا جينا نحجز طيران داخلي من الدمام او الرياض وحتى كلنا الاتحاد العربي لكره اليد نسافر عن طريق البحرين وبرضو مكنش فيه”.

وأردف:”فرقه الطايره كانت مسافره بطوله في تونس وسافروا من تونس العاصمه ٦ ساعات عادي ، لكن عاوز بقا تعمل بطل الكلام ده مش مسموح واحنا هنوقف كل واحد عن حد لان لابد من احترام مجلس اداره النادي بعيداً عن المكسب والخساره ، الرياضه اخلاق واحترام قبل كل شيء”.

وأتم:”كابتن احمد الاحمر كان عنده القدره والمسئوليه وقال لمجلس الاداره احنا هنسافر وهنكسب على الرغم من ان في مدرب او مساعد مدرب كان عاوز يهرب من البطوله”.

شاهد|