“مش هيمشي بأقل من 200 مليون”.. سيف زاهر يفجر مفاجأة عن مستقبل نجم الزمالك مع الفريق – فيديو
فجر الإعلامي سيف زاهر مفاجأة من العيار الثقيل حول مستقبل أحمد سيد زيزو نجم الفريق الأول لكرة القدم في نادي الزمالك، مشيرًا إلي أن اللاعب يمتلك عرض كبير خلال الفترة الحالية.
وتحدثت تقارير صحفية عن وجود عدة عروض احترافية من أجل ضم أحمد سيد زيزو بعد تألقة مع الفارس الأبيض خلال المواسم الماضية.
وقال “سيف” :”زيزو جايله عرض، وناس كتير بتسال عن مستقبل اللاعب، وإذا كان اللاعب فرى فـ أي شيء ممكن، وأي لاعب في الزمالك ممكن يروح الأهلي أو العكس”.
وأشار :”زيزو مرتبط بعقد مع نادي الزمالك وسألت عن القيمة اللى ممكن زيزو يطلع بيها من بعض وكلاء اللاعبين وقالولى العروض اللى تيجى لـ زيزو أقل حاجة هتبدا بـ 200 مليون”.
وأضاف “زاهر” خلال تقديمه حلقة جديدة من برنامج “ملعب أون” على قناة “أون تايم سبورت” :” بالإضافة لـ عقد سنوي ليه هو شخصيًا مش هيقل عن 100 مليون جنية لأنه مش هياخد أقل من 3 مليون دولار في السنة الواحدة وده رقم طبيعي بالنسبة لمستوى زيزو”.
وتابع :”لو الزمالك هيفكر في الخطوة مش هيقبل بعرض أقل من 200 مليون جنية، لكن مش عارف الزمالك بيفكر في ايه”.
“اتفق مع أمير على المبلغ”.. مرتضى منصور يزف بشرى سارة لجماهير الزمالك بشأن مستقبل نجم الفريق – فيديو
وأوضح “زاهر” :”الأمور في الزمالك مبقتش بالعاطفة، الزمالك عنده أزمة وعنده أزمة في قيد اللاعبين ، والجمهور لازم يكون فاهم الأمور ماشية إزاي خاصة وإن النادي محتاج حل فيه مخاطرة أو مغامرة”.
شاهد:
