“ياجاهل يامغيب”.. أحمد مرتضى يوضح سبب عدم دفع غرامة سبورتنج لشبونه رغم خصمها من شيكابالا!!

أوضح أحمد مرتضى منصور القائم بأعمال رئيس الزمالك وعضو مجلس الإدارة، سبب عدم دفع غرامة سبورتنج لشبونه رغم انها تم خصمها من محمود عبد الرازق شيكابالا قائد الفارس الابيض.

وقال أحمد مرتضى منصور في تصريحات تليفزيونيه ببرنامج “زملكاوي” عبر قناة “الزمالك”:” بطمن الجمهور على فريق اليد وواثقين فيهم، وبشكر كل القائمين بتوفير الحجز وسفر البعثة للسعودية لخوض البطولة العربية، ومش عاوز الناس تشغل بالها بالتفاصيل”.

وشدد: “الأهميه عندي الرموز يقفوا جانب النادي او ميحاربوش النادي وهنعمل كل حاجه هنجدد للاعبيه وهتتحل الازمات، استراتيجتي كقائم باعمال الرئيس انكم متحاربونيش كل واحد شايف حاجه غلط يساعدني احلها، وهعمل ايميل اي غلط شايفه ابعته لنا وفكرتك لحله”.

واردف مرتضى:” فكره ان الكل عاوز يدير الزمااك ده مش في الديموقراطيه عاوز تحاسبني اعمل عضويه وتعالى حاسبني”.

وواصل: “في واحد قالي انتم كنتم بتخصموا من شيكابالا ومدفعتوش غرامه لشبونه، هوحضرتك عبيط؟ متعرفش ان في فلوس ودفاتر ومراقبه وصادر ووارد”.

وأختتم:” يا جاهل يامغيب، الاستاذ ممدوح عباس كان عامل على شيكابالا غرامه2 مليون جنيه بسبب خناقته مع كابتن حسن شحاته، والفلوس مراحتش لسبورتنج علشان صرفتها على طارق حامد ومحمود علاء، ولعيبه موجودة تانيه، الاموال كانت في الخزينه وفي عمل مؤسسي وصرفتها على النادي، الناس شريفه في الادارة مش كل شويه تطلع شائعات علينا”.