كشف ايمن دجيش الحكم الدولي السابق كواليس صادمة بشأن إستقالته من لجنة الحكام، وشدد أن الخبير الأجنبي لايصلح لرئاسة التحكيم المصري.
وقال دجيش في مداخله هاتفيه ببرنامج “جمهور التالته” عبر قناة “أون تايم سبورتس2″:” الحمدلله راضي عن شغلي مع لجنة الحكام، وقدمت استقالتي ومش موجود الفترة القادمه، لما تكون شغال لازم يتسمع رأيك وتناقش الصح والغلط”.
وتابع:” فوجئت بقرارات اتخذها بيريرا، ولاحظت ان الامور مش هتوصل لشئ جيد، بعد نهاية الموسم كان في تجاهل ليا، ومفيش استجابه لاي حاجه بقولها، وكان في تجاهل تام والامور اللي في مصلحة التحكيم المصري تم تجاهلها”.
واضاف دجيش:” عندي دوري مستحدث اسمه دوري محترفين سلموني 70 حكم مساعد الموسم اللي فات وبعدها بقوا 90 لما تعمل حاجه لازم تكون بالتدريح والبطوله الجديده لازم تاخد مساعدين يشاركوا، بيريرا قال45 واحد فوق و45 بدوري المحترفين، وانا كنت عاوز 60 للدوري الممتاز و30 تحت للمحترفين لانه بدون ڤار وعاوز يكون في عداله والصغيرين يبداوا يشاركوا تدريجي”.
وأردف:” عاملين معسكر مراقبين وقالوا كل الناس تبعت بياناتها، ويبعت للكابتن أحمد عودة وهو من15 سنه موجود تقوله هات بياناتك ، وتعمل امتحان اون لاين، ينفع تقول لحد كبير زي جمال الغندور وياسر عبد الرؤوف تعالى امتحن مين ينبه بيريرا للكلام ده، في ناس حواليه وبيسمع كلامهم هم”.
وشدد: “الفار كان في معسكر واتلغى معرفش ليه؟،المؤشرات مش حلوه بالنسبه للجنه الحكام، ممكن المسئولين يعدلوا الدفه من اجل التحكيم المصري، بيريرا كان بيعمل لائحه فيها حاجات مش مظبوطه”
وأختتم: “المسئول الاجنبي مينفعش للتحكيم في مصر، لان المفروض تطور تحت مش فوق بس، عاوز تعدل التحكيم تطور تحت وتشتغل فوق”.
