علق حسام حسن نجم الكرة المصرية على أزمات الزمالك، وشدد أن النادي تعرض للظلم من الجميع.
وقال حسام حسن في تصريحات تليفزيونيه ببرنامج “اللعيب” عبر قناة “mbc مصر”:” انا بحب زيزو جدا ولاعب مهم جدا واحسن لعب في مصر الموسمين الماضيين”.
وتابع: “اناصعبان عليا جمهور الزمالك ومعهم انهم يحتفظوا به لان الجمهور استحمل كتير ومش حمل رحيله، الموسم ده محتاج زيزو وهو سنه صغير وممكن يحترف بعدين”.
وشدد حسن:” بقول لزيزو الزمالك وجماهير تستاهل تستنى الموسم ده، وتساندهم وتساند الفرقه لحين مرور الازمه، هو تحمل كتير وشال حمل كبير مع شيكابالا وحاول يشيل عدم الاستقرارالموجود، الله بكون في عونه وبعد الموسم ده ممكن يمشي”.
واردف:” الناس اللي كانوا موجودين اخلصوا بطريقتهم، اتمنى الانتخابات الجايه تعمل إستقرار وادارة تبني فريق وتساند معنويات الجماهير اللي عانوا كتير”.
وواصل حسن: “الزمالك اتظلم مع الناس كلها من الرياضه المصريه واللي كانوا بيديروا”.
وأكد:” حرام االزمالك يستحق اكثر من كده وبدون الزمالك والاهلي الكرة المصريه مش هتبقى موجوده”
وأختتم:”انا اهلاوي ولكن جمهور الزمالك عشت معه ايام جميله ومش هنسى لهم اللي عملوه معنا وله فضل علينا وافضل فتراتي التدريبيه بالزمالك”.
