أكد جون إدوارد عضو مجلس إدارة فاركو، إن النادي تعرض لظلم تحكيمي، وسنتقدم باحتجاج رسمي لإتحاد الكرة ورابطة الأندية.
وقال جون إدوارد في مداخله هاتفية ببرنامج “اللعيب”عبر قناة “mbc مصر”:” لازم اكون زعلان، ضربة جزاء واضحه لم يتم. احتسابها وروحنا للڤار واصر على قراره، الاخطاء في الكرة وارده، ووارده لما تكون الحاله صعبه وجدال ومركبه وفيها تداخل بين المساعد والحكم والكره ليس فيها جدل وهذا المحزن”.
وتابع: “كل نقطه لها ثمن والكرة صناعه واحنا بنستثمر فيها، ولازم لما يكون في مشاكل تواجهها من غير كسوف، الاصعب انت جوه دوري قوي وعنيف ايه العائد؟، وعائد فيه صعوبه هل العداله فيها صعوبه حاجه تضايق”.
وشدد إدوارد:” هنتقدم بشكوى بكره ولازم نطلب اعادة المباراة وعاوزين نسمع غرفة الفار ولازم نطالب بالتحقيق ونعرف ايه حصل وطالبين الشفافيه، بالتاكيد لن نطالب باستبعاد الحكم حمادة القلاوي، وعاوزين نعرف الحساب ازاي يكون من لجنة الحكام ولازم تحاسب إلا لو انت شايف ان الامور طبيعيه”.
وأضاف:” احنا في معاناة وصرف ومداخيل قليله ودي استثمارات وبنطالب بالعدل عاوزينا نزهق؟ وعلي كل واحد ياخد قرارت صارمه “.
وواصل إدوارد:” عمرو ورده لاعب كبير وابن اسكندريه وبنتوسم فيه خير وهو مركز ونتمني له التوفيق وهو اضافه كبير هل في الكرة حد بيلعب بدون مقابل؟ لا طبعا بياخد مقابل مالي، عمرو وقع لنادي الرجاء وفسخ عقده بالتراضي بعقد مثبت”.
وزاد: “محمود حماده بعناه بالسعر اللي يناسب قيمه واسم فاركو، وبقيمة واسم اللاعب، كان في عرض من الزمالك ولكن ايقاف القيد قفل الموضوع والاهلي كان في البدايه وانسحب”.
وأردف:” فاركو بيطمح انه يكون في مرتبه عاليه، وعاوزين نوصل لاعلى نقطه ده 3 موسم وماشين بخطى ثابته وعندنا القدره نوصل لاحلامنا، ومش متعجلين عليها وهنفضل نطالب بالعدل”
وأختتم: “بنطالب بحقنا والعداله هتعود بالنفع على كل الاندية وده ميزعلش حد اننا بنطلب بحقنا وبنكلم قليل ولما بنكلم بيكون بسبب وجود ازمه ونأمل يالرد علينا”.
