الحسيني سمير يطلق تصريحات نارية بعد ترشحه لإنتخابات نادي الزمالك ” التلاعب اللي حصل مش هيمر مرور الكرام والعهود باطلة! ” – فيديو
أطلق الحسيني سمير نجم نادي الزمالك السابق تصريحات قوية وناريه بعد تقديم أوراق ترشحه في إنتخابات نادي الزمالك اليوم الأحد.
وقال الحسيني سمير في تصريحات خاصة لمراسل زمالك نيوز : “معانا قائمة قوية باذن الله ويمكن زميلي هشام نصر إبراهيم اتكلم عليها وهنسعى لحل مشاكل الفريق في العاب الصالات ونرجعها تاني”.
وواصل: “نادي الزمالك مش فرح شعبي ولا فرح بلدي، لا ده نادي ذو أخلاق عالية مفهاش طبل وزمر وفيها ناس على أعلى مستوى من الثقافة”
وتابع “أهم حاجة يكون في شفافية وأمانه وميبقاش في تلاعب، كل التلاعب اللي حصل باشخاص وناس من أجل مصالح شخصية لن يمر مرور الكرم”.
وأكد: ” بعد غلق باب الترشح هنعلن اسامي القائمة بالكامل اللي أنا نازل فيها، نظرا للتغيرات اللي حصلت خلال اليومين اللي فاتوا وتغيير الإتفاقات، فحصل نزول بعض الاعضاء وناس ليها تاريخ جوا الزمالك وهنعلن عنها قريب”.
وشدد: ” لازم الزمالك يرجع لمسار البطولات والانجازات ومسار الاحترام والادب والشفافية والصدق في العهود، ولازم الناس تحترم العهود وتبقى صادقة فيه، وما بني على عهود ووعود صادقة هو اللي مكمل”.
وأتم: “وما بني على عهود ووعود كاذبة وخلاف للصدق والشفافية فهو باطل، ونادي الزمالك محتاج تضافر كل الناس”.
شاهد :-
