انتقد هشام نصر المرشح المحتمل في انتخابات الزمالك القادمة، موقف الكابتن أحمد سليمان، بعد إعلان انضمامه لقائمة حسين لبيب.
وكتب هشام نصر على صفحته الشخصية بموقع التواصل الاجتماعي “فيس بوك”: “بهدوء وبكل احترام، قايمه بنشتغل عليها من اسماء ناس محترمه علي راسها الكابتن احمد سليمان، والغريب مفيش شغل انتخابات خالص، كل يوم مكالمات مع الكابتن أحمد علي الإشاعات اللي بتدور بخصوص قايمه واحده، يقولي مفيش الكلام ده، انزل مع مين احنا هنشتغل احنا يوم السبت، كان معاد تقديم القايمه منها الكابتن احمد سليمان والكابتن الحسيني سمير و مروه الرفاعي والاستاذ مصطفي بدوي مع وجود الاستاذ هاني العتال كا نائب مستقل و سامح الخوانكي و محمد اسامه”.
اقرأ أيضًا | “يموت الزمار وصوابعه بتلعب”.. مُخطط مرتضى منصور لقلب الموازين في انتخابات الزمالك!!
وتابع: “وانا داخل اللجنه أقدم اوراق الترشح، بتليفون ان خلاص خلينا ورا النادي وقايمه واحده قلت تمام اكيد النادي اهم و احنا مش في وقت صراعات”.
وأضاف: “اتفاجئ بعدها ب بيان متحضر من الكابتن احمد سليمان ونزوله في قايمه كابتن حسين لبيب عكس تماما كلامه معانا ” مع اني فضلت ٥ ايام بقوله قولي لو في حاجه و انا اصلا عندي المعلومه”.
وواصل: “الكابتن احمد سليمان شاف مصلحته و دي حريه شخصيه بس شافها علي حساب ناس كان في اتفاق معاهم و قرر ينزل عضو و دي برده حريه شخصيه و هو حر في اتفاقاته و كل حاجه”.
واختتم: “اعتقد مفيش ما يمنع من اني ارجع في كلامي و اترشح علي كرسي الشباب كا واحد من ابناء النادي و ابن كابتن كباتن النادي ولست دخيل علي النادي”.
