“تِشمر وتنزل تشتغل”.. هاني العتال يوجه رساله ناريه للمرشحين لإننخابات الزمالك!! – فيديو
وجه هاني العتال عضو مجلس إدارة الزمالك السابق، رساله نارية للمرشحين لإنتخابات النادي القادمه بعد تقدمه بأوراق ترشحه اليوم على منصب نائب الرئيس.
وقال العتال في مداخلة هاتفيه ببرنامج “اللعيب” عبر قناة “mbc مصر:” النهارده روحت النادي لان من فتره مدخلتش الزمالك، ولكني متواصل باستمرار مع الجمعيه العموميه من سنين، وانا زملكاوي ابا عن جد”.
وشدد: “دائما بفضل ربنا والجمعيه العموميه بأحصل على أعلى الأصوات، وكنت سعيد لإن من فتره مدخلتش النادي ودخلت على الباب على طول وقدمت اوراقي كنت حاسس ان قاعد في بيتي ووسط اهلي”.
وتابع العتال:” بكلم كمرشح وعضو الجمعيه العموميه فترات وجودي في المجلس ماوعدت به فعلته، الفتره القادمه صعبه من اللي حصل بالسنين السابقه، عندنا مشاكل كثير الناس عارفها، لازم يكون في منافسه شريفه وليس صراعات”.
واشار: “شاهدت مداخله حسين لبيب مع أحمد سليمان وشئ مشرف وطول عمر النادي كده، مش عاوزين صراع عاوزين منافسه للصالح العام، لازم الموضوع ميكونش وعود وفرقعه إنتخابيه الفكرة مش وجاهه، الزمالك محتاج بالبلدي كده الناس تِِشمر وتنزل تشتغل”.
وواصل العتال:” الموضوع مش كرسي، اللي جاي صعب وعاوز الناس تشتغل، ومحتاج جهد وفكر والناس تكون مخلصه للمكان وهيبقي في تيم وورك وايا كان مين نجح”.
وأستطرد:” الجمعيه العموميه لاتتأثر بالسوشيال ميديا هي عارفه مين بيخدمها بجد، الجمهور والجمعيه هم ضهرك علشان تنجح”.
وأختتم: “علشان الزمالك يرجع للطريق الصحيح محتاج بالبلدي كده تِشمر وتنزل تشتغل”.
في أول ظهور بعد ترشحه.. هاني العتال: سأخوض انتخابات الزمالك مستقلا.. ولا نريد صراعات مرة أخرى
يعرض الآن مجاناً على شاهد#Shahidhttps://t.co/IOznAYEeXR#اللعيب#MBCMASR pic.twitter.com/9jWTPc1fJ0
— MBC مصر (@mbcmasr) September 8, 2023
