حرام اللى بيحصل معنا”.. مدرب يد الزمالك ينهار من البكاء وينفجر في وجه الجميع بسبب أزمة الفريق مع الإتحاد!! – فيديو

إنفجر أحمد رمضان “هتلر” المدير الفني ليد الزمالك، باكيا بسبب اوضاع الفريق وتعنت إتحاد اللعبه مع الفريق ورفضهم قيد اللاعبين، لوجود مديونيات على الفارس الأبيض ورفضهم جدولتها.

وقال هتلر في تصريحات تليفزيونيه عبر قناة “الزمالك”: “حرام اللي بيتعمل في نادي الزمالك، الزمالك يتعمل فيه كده علشان فلوس، تلتين الفرقه قاعدين بره وبلعب بالناشئين”.

وتابع:” ايه في ايه، نادي الزمالك يتعمل فيه كده!، علشان يتبهدل وعلشان مين؟ علشان الفلوس تخلي الفرقه كلها بره والعب بالناشئين علشان مين يتعمل في الزمالك كده اسكتوا ونقعد في بيوتنا”.

وشدد هتلر:” بشكر لعيبتي بلعب8 لعيبه منهم 2 حراس خليني اختار 10 لعيبه، عندي ناس لو بتلعب معايا اكسب فرق 15″.

وأردف:” لوعاوزين تخلوا الزمالك ميلعبش الدوري قولها ده نادي الزمالك، عاوزين الزمالك ميلعش الدوري ماشي، الوزير كلمناه ومفيش استجابه الزمالك نادي حكومي والوزير من الحكومه”

وأختتم: “فريق2004 اللعيبه مجهده والله يكون في عونها كتر خير اللعيبة كلهم مقصروش”.