رد ناري من ميرفت سيد أحمد على الإنتقادات اللاذعه التي توجه لها بسبب ترشحها في إنتخابات الزمالك- فيديو
ردت دكتورة مرفت سيد أحمد المُرشحة لمنصب رئيس الزمالك، على الإنتقادات اللاذعة التي توجه لها من قبل الجماهير لترشحها كأول إمرأة لرئاسة الفارس الأبيض بالإنتخابات القادمة.
وقالت دكتوره مرفت في تصريحات تليفزيونيه: “مينفعش نازل خبر او بوست ان اول إمرأة مرشحه لرئاسة نادي جماهيري تكون التعليقات روحي المطبخ اعملي صينيه بطاطس ولامكرونه، والوزيرة وهي نازله مبتقولهاش اعملي بطاطس ومكرونه، وزيرة الدفاع بفرنسا كانت حامل وداخله على الجنود”.
وأضافت:” أداء الوظيفه شئ وحياتك شئ اخر، مادام المقوم اللي بيساعدك في مهامك الوظيفية موجود ومبيفرقش بين رجل وأمرأة، ومادام فيك معايير الادارة الجيدة والحوكمه اللي هتدير بها اهلا وسهلا بك”.
وشددت سيد أحمد: “فوجئت في فيديو بقطع جزء من كلامي وانا بقول هفتح باب النادي الصبح وهقفله بالليل، ليه ماخدتش باقي الكلام؟، انا قلت كده لان شايفه الزمالك محتاج ان الرئيس ومجلس الادارة لازم يكونوا متفرغين للنادي للعبور من ازمته وانا متفرغه”.
واردفت:” انا من30 سنه بعمل في وزارة الشباب وطلعت على المعاش من4 شهور وصحتي كويسه وولادي كبروا وعندي قدرة على العطاء لمكان بحبه واتربيت فيه، واخويا استاذ دكتور في تربيه رياضية لاعب سابق للقوس والسهم بالزمالك، انا بنت النادي وقدراتي وخبرتي تؤهلني لقيادته”.
وأختتمت: “عاوزه اللي بيكتب يكون امين في النقل علشان ترتقي بالمجتمع شوف الايجابيات والسلبيات، واذا كنت اقدر اخدم في النادي اهلاوسهلا ليه لا”.
رد اول مرشحة لرئاسة #نادي #الزمالك عن انتقادها 🤔
د. مرفت سيد احمد
#مرفت_سيد_احمد_رئيساً_لنادي_الزمالك#المرأة_الحديدية_رئيساً_لنادي_الزمالك pic.twitter.com/5g182Fnx3T— Mervat Sayed Ahmed (@DrMervatSayed) September 17, 2023
