سيد عبد الحفيظ يخرج عن صمته ويكشف سر غضبه من مسئولي الأهلي بعد قرار الإستغناء عنه!! – فيديو

كشف سيد عبد الحفيظ مدير الكرة السابق في الأهلي، عن سر غضبه من مسئولي الأحمر بعد قرار الأستغناء عنه ورحيله عن منصبه.

وقال عبد الحفيظ في تصريحات تليفزيونيه في برنامج “اللعيب” عبر قناة “mbc مصر”:” رحيلي كان قرار لجنه التخطيط، وده قرار اتبلغت به بعد مبارة المصري، وكابتن الخطيب هو من ابلغني وانت متخيل ان هسردلك اللي حصل. مستحيل اتكلم”.

وأضاف:” الامام الشافعي لخص به في بيت جميل وانا لو بيت شعر عجبني بمشي به وبيت الشعر بيقول لا خير في خل يخون خليله ويلقاه من بعدِ المودة بالجفا وينكِر عيشا قد تقادم عهده ويظهر سرا كان بالأمس قد خفا سلام” .

وشدد عبد الحفيظ:” مش هكشف ماحدث في لجنة التخطيط لو هموت، ممكن اقول اللي زعل سيد ان قبل الميعاد بساعه اويوم كانوا أبلغوني برحيلي قبل ميعاد الجلسة، وكله بيعدي”.

وأشار:” كنت رايح جلسه عاديه مع لجنة التخطيط، واللجنة هي من اتخذت القرار، وعادي جدا وعارف كويس قوي ان ممكن حاجه مش شايفها في شغلي هم شافوها، وكل حاجه ماشيه بسيستم الاهلي”.

وأختتم:” من نعم ربنا علي انه حصل في التوقيت ده والقرار كان يوم جمعه ويومها لسه داخل المسجد لقيت موضوع الخطبه لعله خير وقلت عاوز ايه مني، انا مع اي قرار ياخده المجلس او اي حد منوط بده اللي زعلني ان كان ممكن اتبلغ قبلها بيوم او اسبوع، انا لايمكن اقول اللي حصل في الجلسه”.