سيف زاهر يكشف حقيقة “خناقة” الشناوي والخائن إمام عاشور بعد خسارة الأهلي السوبر الإفريقي!!

كشف الإعلامي سيف زاهر، حقيقة حدوث مشادة كلامية بين محمد الشناوي والخائن إمام عاشور لاعبا الأهلي عقب خسارة السوبر الإفريقي أمام اتحاد العاصمه الجزائري.

وقال سيف زاهر في تصريحات تليفزيونية ببرنامج “ملعب أون تايم” عبر قناة “أون تايم سبورتس”:” الخناقة اللي كانت بين الشناوي وامام عاشور وكهربا هقول اللي حصل من مصادره”.

وتابع: “في ناس من اعداد البرنامج  تواصلوا مع الشناوي بعد العودة من السعوديه وعلى المستوى الشخصي تواصلت مع امام عاشور مباشره”.

وأضاف:” الشناوي في الماتشات الكبيرة بيدخل يزعق في أوضة اللبس لكن ماتش السوبر بالذات بكان داخل يكلم مع اللعيبه لكن كولر قال مش عاوز اسمع حاجه، والموضوع انتهى”.

وشدد زاهر: “في فندق الاقامة بعد المباراة هناك لعيبه مرضتش تنزل تاكل، وكولر وخبير التغذيه اصروا ينزلوا علشان النظام الغذائي”.

وواصل:” إمام عاشور كان قاعد لوحده على تراييزه بيبص على الموبايل والرسائل وانتقادات الجمهور له، وراح له الشناوي وكهربا وقالهم الناس بتهاجمني، الثنائي قال لإمام في البدايه متبصش لاي رسايل والمشوار طويل وهتعمل تاريخ كبير”.

وأختتم: “سألت امام عاشور عن موقف الشناوي معاه وقالي عمري ماهنساه في حياتي”.