طارق يحيى يفتح النار على أمين حكم بعد تعادل الزمالك أمام المقاولون العرب.. “حرام عليك هتنام ازاي؟”!!

فتح طارق يحيى نجم الزمالك السابق، النار على الحكم أمين عمر بعد تعادل الزمالك أمام المقاولون العرب في الجولة الثانية من بطولة الدوري المصري.

وقال طارق يحيى في تصريحات تليفزيونيه عبر قناة “الزمالك”:” الزمالك خسر بفعل فاعل وقدم مباراة جيدة، عمرنا ماشوفنا كده، وحكم مُصر انه يخسر الزمالك، وواضح من كلامه في ركله الجزاء انك مش فاهم القانون”.

واردف:” حرام عليك يا امين ياعمر ده ركله ركنيه تتحسب؟، انت في نص الملعب يارجل هتشوفها من هنا واللاين مان مقالوش انها ركنيه، وعبد الغني بعيد عن الكرة، ومتعدتش هي جات جول وفي اعتراضات من لاعبي الزمالك”.

وشدد يحيى: “الجول جه في الدقيقة99،ومفيش ولا ثانيه ضاعت من ال8 دقايق اللي حسبتهم”.

واشار:” حرام يضيع مجهود فرقه حرام عليك يا امين ياعمر هتنام ازاي النهارده؟، وسمعنا الصوت واتضح انه مش فاهم في قانون كرة القدم في ايه ياجماعه بس”.

وأختتم:”امين عمر انا مبحبش يحكم للزمالك وفزلكه على الفاضي وربنا يكون في عون لاعبي الزمالك والجهاز الفني”.