طبيب الزمالك يوضح موقف الونش من المشاركه في تدريبات الزمالك.. وحالة باقي المصابين!!- فيديو

كشف دكتور محمد أسامه رئيس الجهاز الطبي بالزمالك، موقف محمود حمدي الونش لاعب الفريق الاول لكرة القدم وحالة باقي المصاببن.

وقال محمد اسامه في مداخله هاتفيه ببرنامج “جمهور التالته” عبرقناة “أون تايم سبورتس2″:” ضميت للجهاز الطبي دكتور عمر اخصائي تغذيه وهو شاطر جدا، ومكنش معنا بصورة دائمة في السابق كان كل لاعب بيتعامل مع دكتور خارجي وانا بتابع، وجود دكتور تغذيه امر مهم بالنسبة لي، هو معايا من شهرين لمتابعته وهيفيدني في شغلي”.

وتابع: “احنا من 4 سنين بنعمل قياسات بدنيه لللاعبين قبل بداية الموسم، وبسبب فترة الراحه الكبيره كان عندي فرصه ابدأ صح وكابتن عبد الواحد ساعدني لانه امر مكلف جدا، العالم كله بيعمل على منع الاصابه وده ميزة القياسات اللي بتعملها قبل بداية الموسم”.

وشدد اسامه:” احنا بنعمل شق طبي وشق آخر عضلي وبدني، ومعايا خريطه لكل لاعب وعارف مشكله كل واحد فيهم وجزء من القياسات بيوضح نقطه ضعف كل عضله وبيساعدنا نضع البرامج التدريبيه لعلاجها، الفكره كلها وضع خريطه للاعب”.

واردف: “الجزء الطبي مهم وفي ناس تقولك هندفع كل ده علشان تحاليل بس، ده مهم للحفاظ على اللاعب وكل العالم بيعمله، بشكر الزمالك لانه بيساعدني اعمل ده ومبسوط ان مستر اوسوريو كان بيتواجد معيا وده اول مدير فني يحضر القياسات البدنيه”.

وواصل أسامه:” عبدالشافي من الناحيه الطبيه لا يعاني من اي اصابات وهو ملترم جدا في البرنامج التاهيلي الموضوع له لتجهيزه، وامبارح في القياسات من احسن اللعيبه، هو من فتره طويله مشاركش وكلها كام يوم هيدخل التدريب الجماعي”.

وأكمل: “الونش لسه منعرفش هيرجع امتى الدكتور اللي عمل العمليه هيحدد، بننهي المرحله الاولى من التأهيل، ويهمني يرجع اقوى واحسن وهناخد وقتنا لحين انتهاء البرنامج الموضوع له”.

وأستطرد:”محمود علاء واوباما ومصطفى شلبي شاركوا في التدريبات الجماعيه، انا حاولت اعرف هل في متحور كورونا، ومفيش معلومه تقول ان في حاجه”.

وأختتم:” بشكر كل الجهاز الطبي والفني والاداري وعملنا مجهود جامد وان شاء الله ربنا يكرمنا ويكون موسم كويس للزمالك”.