كشف فاروق جعفر لاعب الزمالك السابق، عن موقف قدامى النادي من الترشح لإنتخابات الفارس الابيض القادمة.
وقال فاروق جعفر في تصريحات تليفزيونيه ببرنامج “أسبوع الكورة” عبر قناة “أون تايم سبورتس”:” بعد بكره في جلسه لقدامى الزمالك، وتكلمت مع كابتن حسن شحاته وعلي خليل بالاتفاق مع كابتن أبورجيله وسنجتمع في منزل ايمن يونس لكي نعمل الاصلح للزمالك”.
وتابع: “النادي عباره عن كرة قدم، وعبر الاجيال من ايام حمادة إمام الناس عرفت الزمالك بسببهم، صعب الكلام اللي بيتقال، ومطروح ترشيح احد لاعبي كره القدم على رئاسه النادي”.
وتساءل جعفر:” من يدير الكره بالزمالك؟؟ النادي هو كرة القدم مع احترامي للدكتور عماد البناني، لسه هستنى 50 يوم والدوري هيبدأ بعد 16 يوم والزمالك لوخسر 5 ماتشات الدوري راح، ايه الخوف ان لجنه تيجي تدير الكره، اللجنه متعرفش في الكره عندنا ازمات كتير ويجب حلها دون التاثير على النادي”.
وشدد:” يعني ايه مش هتجيب لجنه كره، اومال مين هيدير؟، عبد الواحد شخص محترم ولكن لوحده ميقدرش يشيل لازم يكون في خبرات وتوقيت الانتخابات غير مناسب، ازاي الانتخابات وقت انشغال الفريق بالبطولات”.
وأختتم:” الدكتور اشرف صبحي بيزعل مني لما بتكلم، لكن دي شغلتنا مع احترامي لدكتور عماد يعني ايه مش هتعين لجنه كرة”.
