في منجم ذهب في النادي !! .. نقاش زملكاوي ثلاثي حول أوضاع الفريق !! – فيديو
استعان الإعلامي سيف زاهر مقدم برنامج ملعب أون تايم ، بثلاثي من نجوم سابقين لنادي الزمالك وهم ، طارق السيد وأمير عزمي مجاهد وأحمد عبدالمقصود ، ذلك للحديث عن أوضاع الفريق.
و قال طارق السيد : الجهاز الفني للزمالك بيشتغل في ظروف صعبة وبيعمل مجهود كبير ، القيد واقف ومفيش لعيبه بتاخد مستحقاتها كل دي ضغوط علي الجهاز الفني كل التحية والتقدير ليهم .
ومن جانبه قال امير عزمي مجاهد : الصفقات طبعا مش كل حاجة الأهم منها الاستقرار ، لازم تكون اللعيبة بتاخد فلوسها علشان عندها بيت ، ولازم اللاعب يحس أن الأمور مستقرة وقتها الفريق هيقدم الأفضل.
بينما قال أحمد عبدالمقصود: انا قبل كدا عشت فترة زي دي مع الزمالك ، كان برده القيد واقف ، الزمالك نادي كبير مش بيقف علي حد ، وفي منجم ذهب في الزمالك اسمه قطاع الناشئين .
وأتم عبدالمقصود : احنا دعمنا من القطاع واخدنا بطولات وطبعا لازم يكون في استقرار ومستحقات اللاعبين تتوفر ودا دور المجلس الجديد.
"الجهاز الفني يستحق التحية.. الاستقرار أهم من التعاقدات.. في منجم دهب في الناشئين".. نقاش زملكاوي ثلاثي حول أوضاع الفريق#ملعب_ONTime pic.twitter.com/nYsDvDRkYZ
— OnTime Sports (@ONTimeSports) September 8, 2023
