للمرة الأولى.. سيد عبد الحفيظ يرد على حقيقة خلافه مع حسام غالي وهل كان سبب في إقالته!!

كشف سيد عبد الحفيظ مدير الكرة السابق في النادي الأهلي، حقيقة خلافه مع حسام غااي عضو مجلس إدارة الأحمر ولجنة التخطيط ودوره في إقالته من متصبه

وقال عبد الحفيظ في تصريحات تليفزيونيه ببرنامج “اللعيب” عبر قناة”mbc مصر” ردا على سؤال هل الكابتن حسام غالي ليه دور في رحيل سيد عبدالحفيظ؟: الكابتن حسام غالى عضو مجلس الإدارة وعضو لجنة التخطيط ومن حقة مناقشة أي قرار يتعلق بالفريق خلال لجنة التخطيط”

وأضاف: “الهيكل التنظيمي في النادي الأهلي مجلس الإدارة بيفوض الكابتن محمود الخطيب في النقاش مع لجنة التخطيط ومناقشة أي تفاصيل”.

وتابع عبد الحفيظ:” انا بقول رأيي سواء اتوافق عليه اولا، وحتى لو النادي كله مخالفه، وفي مفهوم الناس مش فاهمه الاهلي له طريقه، مدير الكره بيدير الجهاز الفني بالكامل والاداري، وكل حاجه خاصه في سياسة النادي ومساند للمدير الفني”.

وشدد:” كولر مدير فني على اعلى مستوى وامتداد لعمالقه بالتدريب وعلاقتي به جيده، ولكن في حاجات اسس للاعبين والمدير الفني اوعى تتخطاها حتى لوجورديولا نفسه، وهي منظمه الاهلي الانضباطيه ولازم اي مدير فني يكون فاهم سياسات الأهلي من اول يوم”.

وءشار عبد الحفيظ:” الناس بتشوف في الاهلي اللي متقدرش تعمله، ممكن عاوز يعمل حاجه مع لاعب هو النجم الاوحد عنده وبيشوف الاهلي بياخد مواقف مع نجومه ومسئوليه محدش يقدر يعملها، غيرنا ميقدرش يعملها لان الأهلي هو النجم “.

وواصل:” في مساحة تعامل بيني وبين كابتن حسام غالي وفيها احترام متبادل وهو موجود في لجنة التخطيط وبحترم الهيكل التنظيمي، وبحترم قرار إقالتي، والتسلسل الاداري والنظامي احترمه”.