“مايحدث جريمة”.. نيرة الأحمر تفتح النار على إتحاد اليد بسبب التعنت مع الزمالك!! – فيديو

فتحت نيرة الأحمر مقدمة برنامج ملوك الصالات بقناة الزمالك النار على إتحاد كرة اليد بسبب التعنت مع فريق يد الفارس الابيض ورفض قيد اللاعبين إلا بعد سداد المديونية بالكامل.

وقالت نيرة الأحمر في تصريحات تليفزيونيه عبر قناة “الزمالك”:” مايحدث مع فريق اليد بالزمالك جريمه،ومش مستتقله الكلمة لإنها جريمة “.

وأضافت:” ليه بتحارب الزمالك في التوقيت ده، ليه عاوز توقع الفريق واحنا داخلين على بطولة افريقيا، الفريق اللي التاريخ شاهد على بطولاته، وشاهد ان الألقاب والبطولات اللي الزمالك اخدها محققهاش نادي ثاني”.

وشددت الأحمر:” الزمالك بيمر بمرحله انتقاليه وموجود لجنه لتيسير الامور العاجله واقامة الإنتخابات، لما اقول للجنه ادفعي 4 مليون كاش غير 4 مليون إخرين موجودين في البنك انت بتكلم 8 مليون”.

وأردفت:” لما اللجنة تديك 8 مليون على الترابيزه، ده عندهم هموم ومشاكل غير طبيعية، يعملوا ايه في باقي الالعاب والمرتبات والمدربين والعمال، ليه مانا اثبتلك حسن نيتي واديتك2 مليون لا عاوز 8 كاملين ليه مش فاهمه، يعني اجيبها منين”.

وأختتمت: ” لما بنلاقي نادي بكيان الزمالك بيمر بازمه دي تكون طريقه التعامل؟، انت بتتعامل مع نادي محترم وفلوسك مش هتروح عليك، اللي كانوا موجودين قبل كده كان في نوع من المرونه المفروض تكون مرن معايا اكتر من كده”.