مدحت العدل يكشف سر عدم ترشحه لرئاسة الزمالك .. ورسالة نارية للجماهير بشأن اللاعبين وأوسوريو!!

كشف السيناريست مدحت العدل، عن سر عدم ترشحه لرئاسة الزمالك خلال الإنتخابات القادمة، ووجه رسالة ناريه للجماهير بشأن اللاعبين.

وقال مدحت العدل في مداخله هاتفيه ببرنامج “اللعيب” عبر قناة “mbc مصر”:” مش طالبين من اللاعبين إلا الإحساس بقيمة التيشرت وشوفنا الروح امام بيراميدز، والزمالك هيظل الزمالك باي اسكواد وبمدرب رائع جدا أوسوريو، وفنش الدوري بالمركز الثالث في ظل ظروف صعبه بس اعطوه فرصته”.

وأردف:” انك تتقدم وتتعادل مع بيراميدز في ظل اسكواد بيراميدز المميز يعتبر امر جيد، بيراميدز عنده احسن اسكواد في مصر ونعتبر التعادل انجاز كويس بس أكيد مش فرحانين”.

وشدد العدل:” كل ما اطلبه من الجميع هو انكار الذات، سعيد بالتوحد بين كابتن حسين لبيب واللواء احمد سليمان وسعيد انه نزل عضو وده المثال اللي عاوزينه”.

وتابع:” الناس قالوا انزل على رئاسه الزمالك لكن قلت كابتن حسين لبيب اجدر مني، الترشح مش بالمنظره ده تكليف وتكليف صعب، انا منزلتش علشان في أجدر مني وده اللي شوفناه في كابتن حسين لبيب”.

وأشار العدل:” المطلوب من الجمهور الهدوء وعدم التقطيع في اللعيبه وعدم ترديد الشائعات بشأن رحيل اوسوريو لانه مكمل وده على مسئوليتي، والجهاز المعاون ناس عرقت علشان النادي”.

وأكمل:” انتم جمهور عظيم وعمرهم ما اتخلوا عن النادي ارجوكم اعطوا فرصه للعيبه ومتقفوش على الواحده ومحمود علاء كان كويس امبارح، اللعيبه دي لازم تديها ثقه علشان. تديك لعب وهي اللي مكمله معاك”.

وأختتم:” بقول للمرشحين اللي منجحش يقف ويدعم اللي نجح، طلباتي للمجلس القادم تسديد مستحقات اللاعبين، ولابد من حل ازمة القيد، ولو انا رئيس نادي هجيب مدرب عظيم لقطاع الناشئين علشان متشتريش لاعيبه للفريق الاول”.