مدرب يد الزمالك يكشف أسباب رفضه المشاركه في بطولة إفريقيا.. ومايحتاجه الفريق من صفقات!! – فيديو

كشف أحمد رمضان هتلر المدير الفني لفريق يد الزمالك، عن أسباب إعتذاره عن المشاركة في بطولة إفريقيا.

وقال هتلر في مذاخله هاتفيه ببرنامج زملكاوي عبر قناة الزمالك: “الحمدلله الازمه اتحلت نسبيا مع اتحاد اليد، ولكن لم احصل على كل الكارنيهات، كنت متخوف امام الترسانه مش علشان خايف من الترسانه، لا علشان مستوى اللعيبه لانهم من اسبوعين مبيلعبوش ومفيش تمرين مع باقي الفريق”.

وتابع:” لاعبينا خبرات ورجاله وبفتخر ان مدرب الفريق، وبيتحملوني في نرفزتي وبيستحملوا ظروف النادي، وان شاء الله اللي جاي احسن”.

وشدد هتلر: “مصطفى بشير فسخ عقده ومشي، والفولي سافر قطر وان شاء الله نحاول نرجعه”.

وأردف:” لما يحصل انتخابات والمجلس الجديد يجي هنجيب باك ليفت محترف علشان ننافس على الدوري والسوبر السعودي والمصري والافريقي وبطولة افريقيا”.

وأشار هتلر:” أسباب الاعتذار عن بطولة افريقيا، اول البطولة العربيه طلبت تدعيم باك ليفت وباك رايت ومجلس الادارة مساعدونيش وقدمت استقالتي واتكلمت معهم وكأني مش موجود، البطولة العربيه لوكنا خططنا لها صح كنا كسبناها”.

وأستطرد: “لازم نشتغل صح، عاوز اشارك في بطولة إفريقيا واكسبها، بس هكسبها ازاي؟، واكثر من نص الفريق مبيلعبش مع بعض، والمباريات كانت الفرقه مش مكمله الاسكور انا بكمل من فريق2004، هشارك ازاي في بطولة افريقيا وعندي نواقص ومفيش إستعداد؟ “.

وزاد هتلر:” انا كده كده هشارك السوبر الافريقي واكون وقتها جاهز وواقف على رجلي واكسبه، وكلمت اللعيبه قالوا شايفين نفسنا مش جاهزين لبطولة لافريقيا ومينفعش نسافر ونخسر زي البطولة العربيه”.

وأختتم: “الفريق محتاج صفقات وهي التعاقد مع محترف باك ليفت، وضم باك رايت”.