مفاجأة..هاني العتال يكذب تصريحات فاروق جعفر بشأن التحالف بينهما في إنتخابات الزمالك!!- فيديو

أكد هاني العتال المرشح لمنصب نائب رئيس الزمالك،إنه لاصحه لماقاله فاروق جعفر لاعب الفارس الأبيض عن إنضمامه معه في قائمة موحده بالإنتخابات.

وكان فاروق جعفر قد قال: “عندنا علاقات كويسة وأفكار خارج الصندوق من شأنها مساعدة نادي الزمالك علي الخروج من أزمته المالية، أنا ابن نادي الزمالك ومعايا مجموعة محترمة تضم هاني العتال والكابتن خالد لطيف وخلال يومين ستكتمل قائمتي، اعد جماهير نادي الزمالك بأن لدينا الأفكار التي يمكنها دعد الزمالك للخروج من أزمته، وسأستثمر علاقاتي في كل الدول العربية لتنفيذ ذلك”.

وقال العتال في تصريحات تليفزيونيه ببرنامج “الماتش”عبر قناة *صدى البلد”:” انا نزلت 2017 وقعدت دورة كامله ل2021 وكان في تعنت وكنت موجود وبعدها التزمت الصمت، انا في الاساس زملكاوي ومتربي بالزمالك والناس عارفه ده “.

وتابع:” الزماالك محتاج الناس تتكاتف لمصلحته سواء في قائمه اولا وده ليس مقياس و2017 نجحت بره القائمه”.

وشدد العتال: “التاريخ اثبت ان موضوع تأكد نجاح القائمه الموحده غلط تماما، لإن الجمعيه لاتختار باكدج واحد بل بتختار بناء على معطيات، ومتأكد انها واعيه جدا وفاهمه وعارفه مين بيحب الزمالك بجد ومن يمثلها”.

وأردف:” ايا كان بتمنى المصلحه للزمالك هاني بره او جوه فالاخر هو زملكاوي، اختيار قائمه ممكن يختلفوا ويتخانقوا ومش معنى ان حدث اندماج مش معناه هيفضل موجود 4 سنين، مفيش حاجه مضمونه هذا امر طبيعي ولكن الاختلاف ميبقاش شخصي ويكون للمصلحه”.

وأشار العتال: “كابتن فاروق جعفر اسم كبير ومحدش يختلف عليه وتاريخ للزمالك، وكلنا بنحبه وبحترمه جدا لكن لما ترشحت كنائب مستقل وحتى الان مستقل وغير صحيح إنضمامي لقائمته”.

وأختتم:” الفكره اعلنت ترشحي مستقل، والقائمة مش عقد وانما بنقول احنا متفاهمين واتعملت كتير وفشلت في عدة انديه واتحادات”.