كشف هاني العتال نائب رئيس الزمالك السابق، عن سر عدم تحالفه مع حسين لبيب في قائمته بإنتخابات الزمالك القادمة.
وقال العتال في تصريحات تليفزيونيه ببرنامج “الماتش” عبر قناة “صدى البلد”:” كابتن حسين ليس غريب على الزمالك والفترة قبل وجوده الـ6 شهور بلجنة الزمالك كان بعيد عن النادي، ولكن بعدها مفيش ترابط الا الترابط الزملكاوي، ونحب بعض كزملكاويه، في خلافات في وجهات النظر بينا، واحترمت ده ومفيش خلاف شخصي مع حد”.
وتابع: “2021 منزلتش وكنت داعم لبعض الاشخاص انا داعم للمصلحه العامه دائما، مش بحب اتكلم عن التبرع للزمالك، تحدثت من قبل ان الزمالك محتاج بالبلدي اللي يشمر وينزل يشتغل ومش مربوط هتنجح ام لا”.
واضاف العتال:” الشيك تبرع ومش قرض حسن، والزمالك دفع 2 مليون لإتحاد اليد، وكابتن حماده عبدالباري كلمني امبارح وقالي العدد ناقص وسألته المطلوب رد بانه ندفع 2 مليون جنيه اخرى، وعملت اجراءات سريعه ومبعرفش اشتغل إلا بنظام مؤسسي وكلمت أستاذ احمد الوطن وعملت الشيك والتبرع بتاع الشباب والرياضه”.
وأشار: “دعمت النادي من شهر مضى قبل استقالة المجلس وليس للمجلس،كان مجموعه محبين زملكاويه وشايفين في ازمة قيد وحاولنا نحلها مجموعه كبيره ساهمت بمبالغ كبيره وبعدها كان مجموعه اخرى هتساعد، وكلنا محبين، الجزء الاخر التزم الصمت ومرضاش يحط ايده في هذا التوقيت”.
وواصل:” لما قررت ان في حاجه الزمالك محتاجها بعملها بدون تردد والجمعيه العموميه لها الحق تختار من يمثلها القصد مش مربوط ان اكون موجود انا محب هل الجماهير بتشترط تروح الاستاد الفريق كسب، انت بتعمل اللي عليك”.
وأتم: “المنافسه شريفه وكلمت هشام نصر من10 ايام ومتكلمناش على الانتخابات لكن هو الزمالك مش لحد كل واحد شايف انه يقدر عليه يثبت انه يقدر المنافسه لصالح الزمالك المهم في اطار الاحترام والحب لنادي الزمالك”.
