من ستدعم على منصب رئيس الزمالك حسين لبيب أم أحمد سليمان؟..رد مفاجئ من فاروق جعفر!!- فيديو

كشف فاروق جعفر لاعب الزمالك السابق، عن موقفه من ترشح الثنائي حسين لبيب وأحمد سليمان على منصب الرئيس في إنتخابات الفارس الأبيض القادمة.

وقال فاروق جعفر في تصريحات تليفزيونيه عبر قناة “أون تايم سبورتس”:” انا اشتغلت مع حسين لبيب وتعاملت مع احمد سليمان، لكن لازم ارجع لزمايلي بتوع الكرة ممكن حد مننا يترشح لرئاسة الرمالك، فمقدرش اقول مين الافضل، لازم ندرس ونشوف المرشحين ونساند نجومنا في كل الالعاب”.

وأردف:” كابتن حسين لبيب قابل المدير الفني ويكلمه على المستحقات ايه صفة حسبن لبيب دلوقتي؟ هو على راسي لكن صفته ايه؟ احنا بتوع الكره ومبنقعدش مع الفريق، ده تعدي”.

وأشار جعفر: “كابتن حمادة امام اللي عمل تاريخ وشعبيه الزمالك خسر الانتخابات وهل ده منطق؟، مع احترامي لكل الالعاب لما اشوف تصور لمجلس الزمالك نلاقي5 بتوع هاند بول ليه؟ احنا بتوع كره وعملنا شعبية الزمالك”.

وأكمل:” كل مايحدث بيعمل قلق محدش هيرضى النادي يوصل لكده، الزمالك بيشجعه ملايين ولازم يقف على رجله، لازم كلنا نتوقف على التصريحات ومش سبق كل واحد يروح يقابل المدير الفني”.

وأستطرد جعفر:” اكثر حاجه وترتني انه اتقال مش هنعمل لجنه لادارة الكرة، حضرتك يا دكتور عماد هتدير الكره؟ ولا أحمد الوطن حضرتك هتدير الكرة؟، سنة اللجان كنت موجود في اللجنتين”،

وأختتم: “موضوع التجديد لزيزو هاني ببرزي هو كان الداعم له بالدرجه الاولى وخلص موضوع زيزو، دلوقتي فتوح مين يكلم فتوح لارم حد يكون بتوع كره، لم اتواصل مع فتوح وزيزو والثنائي من افضل اللاعبين بالدوري، مش تحدي لازم نشوف مصلحة الزمالك ونجيب حد متخصص”.