ابدى عصام مرعي، نجم الزمالك السابق حزنه الشديد على خسارة الفريق، أمام أرتا سولار الجيبوتي، في ذهاب دور ال32 من بطولة الكونفدرالية الأفريقية.
قال عصام مرعي خلال مداخلة هاتفية ببرنامج بلس 90، عبر قناة “النهار”: “احترام الخصم أهم شيءٍ ولا، شفت في المباراة حاجات كتير غلط منها التشكيل وعدم تركيز اللاعبين بشكل غريب”.
وتابع: “شوف المساحات اللي كانت ورا المدافعين ودي حاجة متكررة مش أول مرة”.
وشدد مرعي: “كنت على قناعة في البداية بالمدير الفني الكولومبي أوسوريو ولكني غيرت وجهت نظري اليوم من اللي أنا شفته بصراحة كان كويس في الأول لكن الاخطاء متكررة”.
وأضاف: “جميع اللاعبين بعيدة تماما عن تركيزها وحتى التغييرات مش متزنه لما تخرج الجزيري وشيكابالا مش هيضيف شيء”.
وواصل مرعي: “احنا متحرمناش المنافس علاوة أن كمان ما فيش أي فاعلية هجومية ولا تركيز دفاعي انا مستاء للغاية من اللي بيحصل والخسارة الغريبة دي”.
وأشار : “بتمنى عودة محمد عواد مرة أخرى، مستوى محمد صبحي سيء جدا، وأيضا حسام عبدالمجيد وخط الدفاع غير مناسبين للمباراة”.
وأردف”لازم المدرب يوظف شيكابالا صح ويستفاد بخبرته صح، خصوصا أن الكوالتي اللي موجود دلوقتي محدود للغاية”.
وأختتم: “الزمالك هيقدر يكسب بنتيجة كبيرة في العودة خاصة وأن المنافس ضعيف جدا جدا، ولا يوجد أي عذر للاعبين لتلقي هذه الخسارة”.
