هجوم قوي من طارق يحيى على أمين عمر بعد فضيحة مباراة المقاولون .. وطلب عاجل للجنة الثلاثية – فيديو

هاجم طارق يحيى لاعب الزمالك السابق، الحكم أمين عمر بعد أزمة مباراث الفارس الأبيض والمقاولون العرب في الدوري ورفضه إحتساب ركلة جزاء صحيحة للقلعة البيضاء.

وقال طارق يحيى في تصريحات تليفزيونيه ببرنامج “زملكاوي” عبر قناة “الزمالك”: “أمين عمر أخطأ وخالف كل قواعد القانون، ولا أعرف كيف أدار الأمر؟ وكيف رأى اللعبة؟ هل كان هناك شبهة تعمد أن يفعل ذلك أو كان مغيبًا أو لم يكن في مستواه؟”.

وأضاف:” سمعت ان أمين عمر اتوقف، ماذا استفاد الزمالك؟، خسر نقطتين وهو متعمد، ومن تواضع لله رفعه، مينفعش ياعم ومش انا اللي حاسس بالطريقه دي كل الناس، انت لاكنت لاعب كرة ولافي المنتخب”.

وتابع يحيى:” اصرار ولا مش مقتنع اللي حصل في المباراة اللجنه للثلاثيه اعترضت بشكل واضح وصريح، وبقول للاخوه في اتحاد الكرة اعترافه على الهواء مباشرة ان الكرة ربعها على الخط ده اعتراف رسمي”.

وشدد: “بيريرا قال الزمالك له حق في احتساب ركلة جزاء وشهد شاهد من اهلها وده اهلها نفسه، مش عيب ولا حرام ترجع حق مسلوب والناس تحترمك انك رجعت حق”.

وأشار يحيى:” خلي انتمائك جواك ومعندناش اعتراض انه يشجع اللي هو عاوزه لكن متبقاش الاخطاء فجه ومتكرره، أمين عمر له اكثر من واقعه منها فرجاني ساسي وماتش اسوان الموسم الماضي، انتمائك على راسي من فوق ومعنديش مشكله بس الامور متستمرش، وتتذاع سبحان الله، ربنا قدم هديه غير طبيعيه للزمالك”.

وأكمل: “مستني ايه في الوقت الضايع انت احتسبت8 دقايق واستني لما الكورنر اتلعب وجه هدف في الدقيقة99 هو طبيعي ان 8 د وقت بدل ضائع يتحسب فيهم دقيقه ازاي، والشوط الكامل بيتحسب فيه دقيقه لو عاوز تديني حقي هتصفر وكنت مستني كانك شيخ وعارف الكرة هتيجي هدف”.

واستطرد يحيى:” القصه صعبه وبتكلم بهدوء من خلال ماشوفت القنوات والتعلبقات وكنت منفعل بعد الماتش واللي قولناه قالوه كل المحللين والحقيقه واضحه وماحدث لايحدث في بباد الواء الواء ولازم نتمسك بحقنا، هعملك زي كابتن مدحت شلبي انا مش مقتنع انا مقتنع”.

وزاد: “لنا حق كبير جدا عندك يا امين ياعمر انت اكتسبت كمية غضب من جمهور الزمالك غير طبيعي، وقولتله هتنام ازاي هيجيلك نوم ازاي مش عارف، لك الله يازمالك، جمهور الزمالك معلش نتحمل نحن داخل منظومه يجب احترامها وتقبل قوانين حتى لوجت علينا هنعمل ايه”.

وأختتم:” وبطالب اللجنه الثلاثية منسبش حقنا ماضاع حق وراءه مطالب ونصر على اعادة المباراة، واعتقد المقاولون مش هيعترض لانه عارف، مايحدث غير طبيعي وغير مقبول ده احنا لسه في الاول مفيش منافسه ولما نخش في المنافسه هتعملوا فينا ايه، واتمنى المسئولين يحققوا كويس في الواقعه لان ده حق مسلوب بدون وجه حق، هبعد شبهة التعمد ممكن يكون عند امين عمر اضطراب ومنمش كويس هفترض حاجات خزعبلايه ولازم نحقق والاعتراف كافي لاعادة المباراة”.